یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
دكتۆر عثمان هه‌ڵه‌بجه‌يى
به‌رواری دابه‌زاندن: 28/02/2020 : 21:41:56
قه‌باره‌ی فۆنت
خــــــەڵك و خـــــــاك و خــــودا !!

خەڵک ئازادە جنێو بە خودا بدات.

ئازادە جنێو بە پێغەمبەران بدات.

ئازادە سووکایەتیی بە موقەددەساتی موسوڵمانان بکات.

ئازادە قورئان بسووتێنێت، گاڵتە بە نوێژ و ڕۆژوو و حەج بکات.

ئازادە دڵی باڵاپۆشان بریندار بکات و، بە دواکەوتوو و دۆگما ناویان ببات.

بەڵام بۆ کەس نییە سووکایەتیی بە خاک و نیشتمان بکات، یا جنێو بە نەتەوە بدات.

بۆ کەس نییە گاڵتە بە ئاڵا و مارشی نیشتمانیی بکات.

بۆ کەس نییە ناوی هیچ سەرکردە و ڕۆشنبیر و ڕێکخراوێک بزڕێنێت.

بەڵێ، بۆ کەس نییە دڵی ناموسوڵمانێک بڕەنجێنێت، یا توانج لە ئایین و ئایینزایان بدات.

بەڵکو، لە بەر دڵی کۆمەڵێ شەیتانپەرست نابێت گاڵتە بە شەیتانیش بکەیت.

بە ڕاستیی، ئەمەی خستمە سەر کاغەز قسەی کوفری من نییە، بەڵکو زمانحاڵی ژمارەیەکی بەرچاوی وڵاتانی جیهانی ئیسلامیی ونائیسلامییە، وەک ئەوەی خاک و نیشتمان و مارشی نیشتمانیی و پەرچەم و ئاڵا و سەرکردە و ڕێکخراوەکان لە خودا و پێغەمبەران گەورەتر و، لە سرووت و پیرۆزییە ئیسلامییەکان پیرۆزتر بن.

بیهێنەرە بەر چاوی خۆت گەر کوردێک گاڵتە بە ئاڵای عێراق بکات، یا سووکایەتیی بە دزداشە و عەگاڵ بکات، یا عەرەبێک ئاڵای کوردستان بسووتێنێت، یا گاڵتە بە جامانەی کوردیی بکات، چ هەرایەک دەنرێتەوە و، چ گۆبەن و شەڕە جنێوێک بەرپادەبێت.!!

کێ بەلایەوە ئاساییە جنێوی پێ بدرێ؟! یا شەرەف و نامووسی لەکەدار بکرێ؟! یا سووکایەتیی بە ژن و منداڵی بکرێ؟!

ئەزانم هەندێ موسوڵمانیش زمانزبر و جنێوفرۆشن، بەڵام موسوڵمانی ڕاست و درووست خاک و نیشتمان و ئاڵا و میللەتی خۆی خۆش دەوێت و، قەت لەگەڵ ناوزڕاندن و سووکایەتییدا نیە و، قەت هانی خەڵک نادات بۆ سووکایەتیی و توند و تیژیی، بەڵام ئای چ داخێکی گەورەیە خاک و نیشتمان و قەومییەت و ئاڵا و پەرچەم و سەرکردە و ڕێکخراو لە خودا بە پیرۆزتر بزانین.!!

ئای چ برینێکی قووڵە لە وڵاتی موسوڵماناندا گشت ئایین و ئایینزاکان لە ئیسلام بەنازتر بن، ئیسلامیش غەریب و بێیناز بێت.

ئای چ زەلیلییە کە هەندێ سەرکردە بە شەرمەوە ناوی ئیسلام بەرن و، بە لایانەوە لەنگ و عەیبە بێت بە ناوی الله دەست بە وتارەکانییان بکەن.

یا هەندێ لە ڕۆشنبیران وا دەزانن ڕۆشنبیریی بریتییە لە سووکایەتی بە ئایین و بڕواداران و، گەر ناوی خودا و ئایەتێکی قورئان بەسەر زاریاندا بێت لە ڕۆشنبیریی دەکەون.

بە ڕاستیی ئەوەی دەگوزەرێ دووبارەبوونەوەی هەڵوێستی قەومی شوعەیب پێغەمبەرە –سەلامی خودای لێ بێت- کە بەو پێغەمبەرە نازدارەیان دەگووت: گەر لەبەر خزم و خوێش و هۆز و عەشیرەتت نەبا بەردبارانمان دەکردیت (وَلَوْلَا رَهْطُكَ لَرَجَمْنَاكَ)، ئەویش بەو پەڕی میهر و دڵسۆزییەوە پێی دەفەرموون: گەلۆ، ئاخۆ، خزم وهۆز و عەشیرەتی منتان پێ لە اللە عەزیزتر و گرنگترە (قَالَ يَا قَوْمِ أَرَهْطِي أَعَزُّ عَلَيْكُم مِّنَ اللَّهِ ).!!

لە کۆتاییدا دەڵێم: سووکایەتیی بە ئیسلام بکرێت یان نەکرێت، ئەوەی بە ئایینی پیرۆزی ئیسلام کراوە بەهەر ئایین و ئایدیایەکی تر بکرایە ئێستە ناوی لە کوولەکەی تەڕیشدا نەمابوو.

ئێوە دەزانن ساڵانە لە جیهاندا بۆ دژایەتیی ئیسلام چەند کۆنفرانس و کۆنگرە دەبەسرێت و، چەند بەرنامە و کەناڵ دادەمەزرێت و، چەند پەڕتووک و کتێب و مەقال دەنووسرێت و، چەند پەیج تەرخان دەکرێت؟!

ئایا دەزانن ساڵانە بۆ بنبڕکردنی ئیسلام مەلایین دۆلار خەرج دەکرێت؟!

ئاخۆ دەزانن چەند گروپی تێکدەری فیکریی لە ژێر ناوی نوێبوونەوە درووست دەکرێت و، چەند کەسی نەزان یان خاوەن قەڵەم گەورە دەکرێت و وەک بیرمەندی دڵسۆزی ئیسلام لە کەناڵەکاندا پیشان دەدرێت و، خەڵات دەکرێت؟!

یا بۆ ناشیرینکردنی ئیسلام چەند گرووپی تیرۆرست ئامادە دەکرێت و، لەو دیوی پەردەوە یارمەتیی دەدرێن.؟!

بەڵام ڕووناکیی ئایینی ئیسلام ڕۆژ بە ڕۆژ جێ بە تاریکیی تەنگ دەکات و، بە جیهاندا بڵاو دەبێتەوە.

دڵنیاتان دەکەمەوە و مژدەشتان دەدەمێ ئەمجارە خۆری قورئان لە ڕۆژئاواوە هەڵدێت و، لەوێوە ڕووناکیی دەگەیەنێتە ڕۆژ هەڵات و، جیهانی ئیسلامیی لە ڕێی ڕۆژئاواییەکانەوە بەرەو ئیسلام دەگەڕێنەوە.

بۆیە داوا لە بەرپرس و سەرکردە و ڕۆشنبیر و گەلی موسوڵمانانی وڵاتانی جیهان دەکەم کەمێک بە خۆیاندا بچنەوە و، خۆیان لە کۆت و زنجیری سەرشۆڕیی وزەلیلیی ڕزگار بکەن و، بە هیچ شێوەیەک ڕێ بە هیچ سووکایەتیی و گاڵتە کردن و تەشهیر و جنێوێک نەدەن، بەو پەڕی متمانە و سەربەرزییەوە شانازی بە ئایینی زۆرینەی نەتەوەکەیان بکەن و، دەنگیان بەرز بکەنەوە و بڵێن: ئێمە موسوڵمانیین.

براتان: د.عوسمان محەممەد غەریب

هەولێر- بەختیاریی

27-2-2020