هەر دکەڤندا تا ئەڤرو مللەتێ کوردێ موسلمان ب رێزو تەقدیرڤە یادا پیروزا مەولیدا پێغەمبەری یا گێرای ل بەر ڤیان و خێرا وێیا مەزن . هەر وەکی دیار د قورئانا پیروز و فەرمودا پێغەمبەرێ خوشتڤیدا هاتیە حەشرا مروڤی دگەل کەسێ مروڤی ڤیانا وی هەبیت دێ هێتە کرن خودێ تەعالا ئەمر دکەت : ﴿ وَمَنْ يُطِعِ اللَّهَ وَالرَّسُولَ فَأُوْلَئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ وَحَسُنَ أُوْلَئِكَ رَفِيقًا ﴾ [النساء: 69]. ئو پێغەمبەر ئەمر دکەت ( المَرْءُ مَعَ مَنْ أَحَبَّ ) متفق علیە . بکردار تاکێ کورد ڤیانا پێغەمبەری سەر خو دیارکریە هەر ئێک دیف ئاست و شیانێن خو کەس بێ بەش نەبیە بو نمونە :- ١- زانایێ کورد رابیە ب دانان و رێکخستنا پەرتوکان دور ڤیان و خوشەویستیا سەروەرێ خو موحەمەدێ نازدار سلاڤێن خودێ ل سەربن وەک بەرەکەتەک بو زانستێ خو بو نمونە شێخ تاهرێ شوشی و کتابا مەولید نامە ( المنتخب في ذكرى ميلاد سيدنا محمد فخر العجم والعرب) کو ئەڤرو ل زوریا کوردستانی تێتە خواندن . ٢- مروڤێن پێ چێبی رابینە ب ملک و مالێ خو مەزاختن کریە تایبەت بو خێرا پێغەمبەری ( الوقف النبوي ) هندەک ملکێ خو دەست نیشان کریە کرینە دیاری بو پێغەمبەری ئەف بابەتە ب زوری ل کوردستانێ تێتە دیتن ئەڤەش نیشانا ڤیانا پێغەمبەرییە . ٣- ل نک تاکێ کوردێ موسلمان دیاردەک هەیە دەمێ مروڤ د گەهیتە خزمەکی یان هەڤالەکی یان برایەکێ موسلمان دچیتە دەستێ وی سەلەواتەکێ دەتە سەر خوشتڤی دبێژیت ( اللهم صلي على سيدنا محمد ) ئەف دیاردە ل نک ملەتێن دی نینە یان زور کێمە . ٤- هەر تاکەکێ کوردێ موسلمان هەلگرێ تەسبیحەکێیە ( سبحة ) بو دانا سەلەواتا سەر روحا خوشتڤی سلاڤ سەربن ئەڤەش دیسان دزڤریت بو ب جهئینانا فەرمانا خودێ تەعالا : {إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا} ئو بهایێ سەلەواتی سەر روحا موحەمەدی سلاف سەربن ل وانا ئیمامێ نەسائێ ڤەدگێریت عن أنس بن مالك رضي الله عنه قال : قال رسول الله ﷺ : (( مَنْ صَلَّى عَلَيَّ صَلَاةً وَاحِدَةً صَلَّى اللهُ عَلَيْهِ عَشْرَ صَلَوَاتٍ، وَحُطَّتْ عَنْهُ عَشْرُ خَطِيئَاتٍ، وَرُفِعَتْ لَهُ عَشْرُ دَرَجَاتٍ )) . ٥- ناڤ نانا کورەکی ل کورێن خو ب ناڤێ ( محمد - احمد ) بو بەرەکەت و ڤیانا پێغەمبەری سلاف سەربن ئو فەرمانا وی فقد روى البخاري ومسلم في صحيحيهما، عن أبي هريرة رضي الله عنه أن النبي ﷺ قال: « تَسَمَّوْا بِاسْمِي» ئەڤەش ب زوری تیتە دیتن ناف مللەتێ کوردێ موسلمان . ٦- ساخکرن و راگرتن و بەرز بلندکرنا بیرەوەریا سال ڤەگەرا روژا ژ دایک بونا پێغەمبەر موحەمەدی ﷺ کوردستان نمونە و پێشەنگە ل جیهانا ئیسلامی بو ساخکرنا ڤێ یادا پیروز و پر خێرو بەرەکەت ب سەدان سالە هەر ل زەمانێ ( سولطان مظفر الدين ١١٥٣ - ١٢٣٢ز ) سولتانێ هەولێرێ یا بەردەوامە تا ئەڤرو ئەڤەش نیشانا ڤیانێیە بو خوشتڤی . ل بیرەوەریا روژبونا تاجێ سەرا سەروەرێ مروڤایەتیێ کەیف خوش و شادوو سەربلندین کو ئێکین ل ئومەت و شینکەفتیێن موحەمەدی و ئاینێ ئیسلامێ ... خودێ تەعالا مە بێ بەهر نەکەت ل خێرو بەرەکەت و شەفاعەتا پێغەمبەرێ خوشتڤی.. خودێ تەعالا ڤیان و حوببا وی بێختە دلێن مەدا.. دیف چون و بجهئینانا سوننەت و فەرمانێن وی شادو دل خوشبین ئامین ئامین . | 
