ل ژێر چاڤدێریا پارێزگارێ دھۆکێ فەرھاد ئەمین ئەترووشی رێڤەبەریا گشتی یا ئەوقاف و کارۆبارێن ئاینی و ئێکەتیا زانایێن ئاینێ ئیسلامێ لقێ دھۆک، ب ھەڤکاری ل گەل گوڤارا (حەرا ) کونفرانسێ (توندرەوی و سەرداچوون بناڤێ ئاینی و نیشانێن وێ یێن خراب ل سەر پێگڤەژیانێ) ب بەرھەبوونا ژمارەکا زور ژ مامۆستایێن ئاینێن موسلمان و مەسیحی و ئێزدی ل سەرانسەری پارێزگەھێ و چەندین مێھڤانبَن دەرڤە ل سپێدەھی یا رۆژا ٢٨-٥ ل ھولا کونفرانسان دەست ب کارێن خوە کر.

پشتی خواندنا چەند ئایەتێن قورئانا پیرۆز، د.عەبدوللا ملا سەعید سەرۆکێ ئێکەتیا زانایێن ئاینێ ئیسلامێ ل کوردستانێ پەیڤەک پێشکێش کر و تێدا ھەبوونا ئەڤان جورە کونفرانسان بگرنگی ل قەلەم دا و خوەیا کر کو ئەڤ کونفرانسە ھاتە پێش پشتی ل ھەر دو پارێزگەھێن سلێمانی و ھەولێرێ ھاتینە ئەنجامدان، خواست مامۆستایێن ئاینی رۆلێ خوە بگَرن دناڤا جڤاکیدا و ببنە رێگر ل ھزرێن بەرتەنگ و دوور ژ ئاینێ ئیسلامێ یێ پیرۆز، دووڤ دا بەریز فەرھاد ئەترووشی پارێزگارێ دھۆکێ پەیڤەک پێشکێش کر و تێدا بخێرھاتنا ھەموو ئامادەبوویان کر و گۆت: بەرسنگرتنا داعش ب چەکی ب تنێ بەس نینە و تنێ دێ کاریگەری ھەبیت ژ روویێ ھزری ڤە، قورئانا پیرۆز گەلەک گرنگی دایە مێشکی و چەکێ ھەر مەترسی دا چەکێ ھزری یە، دڤێت مامۆستایێن ئاینی ڤێ چەندێ چارەسەر بکەن و ئاگەھداربکەن و دەلیڤێ نەدەنە کەسێن ھزرێن بەرتەنگ ھەین جھێن ئاینی ب دەلیڤە وەربگرن بۆ ھزرێن خراب و توند و تیژیی تێدا دوور ژ ئاینێ پیرۆزێ ئیسلامێ.

دووڤ دا، نەوازد سەواش، رێڤەبەرێ گشتیێ گوڤارا حەرا پەیڤەک پێشکێش کر و خوشحالیا خوە دەربری ب دیتنا ھەموو مامۆستایێن ئاینی ل ھەموو پێکھاتێن پارێزگەھا دھۆکێ ژ موسلمان و ئێزدی و مەسیحی و گۆت: پێکڤە ژیان ب ھەبوونا ھەوە پێکڤە جوانیا ڤی باژێری و وەلاتێ ھەوە نیشا جیھانێ د دەت و دیسان ھاتنا ھەو بۆ جڤاتێن بڤی رەنگی برایەتی و مرۆڤایەتیێ پتر خورت دکەت.

ھەڤدەم د. سەمیان عەبدولخالق سەعدی، رێڤەبەرێ گشتیێ ئەوقاف و کارۆبارێن ئاینی ل پارێزگەھا دھۆکێ دیارکر کو پەیاما رێڤەبەریا گشتی یا ئەوقاف و کارۆبارێن ئاینێ ئیسلامی ل پارێزگەھا دھۆکێ، ئێکەتیا زانایێن ئاینێ ئیسلامێ، ئەوە کار بکەین بۆ ھندێ ئەڤ ھزرێن توند رەو و کارتێکرنا خراب یا ل سەر راوستین و کا چ کارتێکرن کریە ڤە، دیسان مە ب دەلیڤە بزانین ئەڤی کونفرانسی بگێرین و ھەموو ماموستایێن ئولی ژ ھەموو ئاینین پێکڤە کوم بکەین و دیسان مێھڤان ل دەرڤە بھێنە گازیگرن دا بزانن کو مللەتێ کورد حەز ژ پێکڤەژیانێ و برایەتیێ دکەت و چ جاران زولم و تەعدا ل کەسێ نەکریە.

هەرووها  ملا إحسان ریكانی بەرپرسی لقی دهۆك دیار كرد كو بەرنامی کونفرانس دێ بتنێ بۆ ماوێ ئێک رۆژ بیت و دو پەنەلە و چەند مێھڤان و شارەزا دبیاڤێن ئاینی دا ل وەلاتێن مەغرب و تورکیا تێدا دبەرھەڤن، و ل بانیلی یەكەمدا هەریەك لە  دكتور( محمد اقبال )و دكتور (سمیر بودینار)  و (ملا إحسان ریكانی ) تویژینەوە پیش كەشكران كە داكۆكی لە خەتەری بیری توند روویی هاتە كردن، ودیسان دانشتنا دویێ ژ لایی دكتور(محمد شكری زاویته‌یی) ودكتور (محمد جگیب) ودكتور (مصطفی اتروشی) شیوازی رووبەروو بونەوە كفتو كو كرا ، كە بە ج شیوەیەك زانایانی ئاینی روو بەرووی ئەم بیرە توندروویە بوەستنەوە، و ئامادەبووانیش بە سەرنج و تیبینیەكانی خۆیان كۆنفراسەكەیان دەولەمەند تر كرد، وبڤی شێوه‌ی كونفرانس هاته‌ ب دوماهیك هاتن ودرعێن ئێكه‌تیا زانایان هاتنه‌ دابه‌ش كرن بو پشكداران.

هـ.بـ