یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
پێکهاتە ئاینیەکانی کوردستان داوای چارەسەرکردنی قەیرانی هەرێمی کوردستان دەکەن
به‌رواری دابه‌زاندن: 17/08/2015 : 12:31:56
قه‌باره‌ی فۆنت

ئەمرۆ دووشەمە 17/8/2015 سەرجەم پێکهاتە ئاینیەکانی موسڵمان و مەسیحی و ئێزدی و کاکەیی و سابیئە لە مەکتەبی تەنفیزی یەکێتی زانایانی ئاینی ئیسلامی کوردستان کۆبوونەوە، لە کۆبوونەوەکەدا وێڕای نیگەرانیان بەم رەوشە نائارامەی کوردستان، داوایان کرد هەرچی زووە حزب و لایەنە سیاسیەکانی هەرێمی کوردستان کۆتایی بەم قەیرانەی ئێستای سەرکایەتی هەرێم بهێنن و، پێکەوە دابنیشن و برایانە کۆتایی بهێنن، چونکە مێژوو رەحم بە کەس ناکات.


ئەمەی خوارەوە دەقی بەیاننامەکەیە:


بەناوی خوای بەخشندەی میهرەبان


ئێمە وەك زانایانی ئایینی و پیاوانی  ئایینی سەرجەم پێکهاتە ئایینیەکانی هەرێمی کوردستان، ئەمرۆ (17/8/2015) لە بارەگای مەکتەبی تەنفیزی یەکێتی زانایان کۆبووینەوە، هەموومان یەکدەنگ و هاوڕا بووین کە هەرێمی کوردستان بە رەوشێکی خراپدا تێدەپەڕێت و، کۆمەڵێك گرفت و قەیرانی ئابووری و ئەمنی  یەخەی وڵاتەکەمانی گرتووە، بەتایبەتی شەڕی نەگریسی تیرۆریستانی داعش، بۆیە لەو کاتەی هێشتا مزگەوت و کەنیسەو پەرستگەکانی سەرجەم ئۆل و پێکهاتە ئاینیەکانی کوردستان لەژێر دەستی تیرۆریستان دانەو، بە هەزاران ژن و منداڵی کوردستان دەستبەسەرو بارمتەی بەر دەستی تیرۆریستانن، هێشتا چاوی دایکی شەهیدان فرمێسکی وشك نەبووە، سات بە سات پێشمەرگە قارەمانەکانمان لەبەر سەرمای زستان و گەرمای هاوین دیفاع لە کەرامەتمان دەکەن، بەتایبەتی هەمیشە بە چاوی پەناگەی ئارامی پێکەوەژیانی ئاینی و نەتەوەیی تەماشای کوردستانمان کردووە.


بۆیە لێرەوە وەکو زانایان و پیاوانی ئایینی سەرجەم پێکهاتە ئایینی و مەزەبیەکانی کوردستان داوا لە هەموو لایەك دەکەین بە زووترین کات کۆتایی بەم گرژی و قەیرانەی ئێستا بهێنن و، پێکەوە بە برایانەو بە گیانی لێکحاڵیبوون کۆتایی بەم دۆخە بێنن، بۆ ئەوەی لە ئاست خواستی خەڵك بن و، خەڵك چاوەڕوانی چاکبوونی بژێوی ژیان و دابینکردنی ئاسایش وئارامییە، بۆیە دروستکردنی قەیرانێکی تر خەڵك بەرەو نائومێدی دەبات، بە دڵنیاییەوە ئەوانەی هەر شلەژانێك لەم وڵاتە دروست دەکەن مێژوو رەحمیان پێ ناکات.


دووبارە خوازیارین بگەنە سازان و پێکەوە کۆتایی بەم رەوشە بهێنن.


 


زانایان و پیاوانی ئاینی سەرجەم پێکهاتە ئایینی و مەزەبیەکانی کوردستان


17/8/2015