یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
با جه‌ژنی ره‌مه‌زان بکه‌ینه‌ هه‌وێنی ئاشتبوونه‌وه‌
به‌رواری دابه‌زاندن: 05/07/2016 : 02:08:12
قه‌باره‌ی فۆنت

به‌بۆنه‌ی جه‌ژنی پیرۆزی ره‌مه‌زان یه‌کێتی زانایان پیرۆزباییه‌کی گه‌رم له‌ موسڵمانان ده‌کات و په‌یامێکیش ئاراسته‌ی لایه‌نه‌ سیاسییه‌کان ده‌کات، ئه‌مه‌ی خواره‌وه‌ ده‌قی پیرۆزبایه‌که‌یه‌:


به‌ناوی خوای به‌خشنده‌ی میهره‌بان


به‌بۆنه‌ی هاتنه‌وه‌ی جه‌ژنی پیرۆزی ره‌مه‌زان پیرۆزباییه‌کی گه‌رم له‌ ته‌واوی موسڵمانانی جیهان و کوردستان ده‌که‌ین، به‌تایبه‌تی پیرۆزباییی له‌ برا پێشمه‌رگه‌کان و خانه‌واده‌ی سه‌ربه‌رزی شه‌هیدان ده‌که‌ین، له‌ خوای گه‌وره‌ داواکارین رۆژی و خواپه‌رستی هه‌موو لایه‌ك قبوڵ بکات و، ئه‌م جه‌ژنه‌ ببێته‌ جه‌ژنی ئاشتی ته‌بایی و برایه‌تی. له‌ کاتێکدا ئه‌م یاده‌ پیرۆزه‌ ده‌که‌ینه‌وه‌ کوردستان به‌ کۆمه‌ڵێك کێشه‌و گرفت تێپه‌ڕ ده‌بێت، له‌وانه‌ شه‌ڕی نه‌گریسی تیرۆریستان و قوڵبوونه‌وه‌ی کێشه‌و ململانێ ناوخۆییه‌کان، بۆیه‌ لێره‌وه‌ داوا له‌ هه‌موو لایه‌ك ده‌که‌ین مکوڕتر بن له‌ به‌ره‌نگاربوونه‌وه‌ی تیرۆریستان، هه‌ر یه‌که‌مان له‌ ماڵ و مزگه‌وت و ناوه‌نده‌کانی خوێندن و شوێنه‌کانی تر هاوکارێکی جددی برا پێشمه‌رگه‌کانمان بین تا بتوانین به‌ر له‌ چه‌کداری له‌ رووی فیکرییه‌وه‌ تێکیان بشکێنین. هه‌روه‌ك لێره‌وه‌ داوا له‌ لایه‌نه‌ سیاسییه‌کان ده‌که‌ین واز له‌و ململانێ نه‌خوازرانه‌یان بێنن و، له‌ بری گیانی رق و ململانێی ناشه‌ریفانه‌، ئاشت ببنه‌وه‌و، هه‌موو لایه‌ك به‌ یه‌ك ده‌ست پشتیوان بن بۆ رزگارکردنی خاکی کوردستان و هاوڵاتیانی له‌ ده‌ست شه‌ڕی تیرۆرو قه‌یرانی ئابووری، چونکه‌ خه‌ڵك زۆر ماندوو بووه‌و، کاتی ئه‌وه‌ هاتووه‌ لایه‌نه‌ سیاسیه‌کانی هه‌رێمی کوردستان ئاشتی و ئاشتبوونه‌وه‌ بکه‌نه‌ جه‌ژنانه‌ بۆ خه‌ڵکی شه‌ره‌فمه‌ندی کوردستان. دووباره‌ جه‌ژنی هه‌موو لایه‌کتان پیرۆز بێت.


یه‌کێتی زانایانی ئایینی ئیسلامیی کوردستان


1 شوال 1437


6/7/2016