یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی پشدەری یەکێتی زانایان کۆبوونەوەی ئاسایی خۆی ئەنجام دەدات    *****    *****   لقی سۆرانی یەکێتی زانایان سیمیناری هەفتانەی مامۆستایانی ئایینی ساز دەکات    *****    *****   لقی شارەزووری یەکێتی زانایان کۆدەبێتەوە    *****    *****   لقی زاخۆی یەکێتی زانایان کۆ دەبێتەوەو چەند پرسێک گەنگەشە دەکات    *****    *****   وەزیری ئەوقاف و سەرۆکی یەکێتی زانایان سەرپەرشتی کۆبوونەوەیەکی تایبەت بەرەوشی ئایینی لە هەرێم دەکەن    *****    *****   لقی هەولێری یەکێتی زانایان پێشوازی لە بەرێوەبەری گشتی حەج و عومرەی هەرێم دەکات    *****    *****   مامۆستا مەلا ئەحمەد خۆشکانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان لە کۆبوونەوەیەکی فراواندا چەند پرسێکی گرنگ تاوتوێ دەکات    *****    *****   لقی هەڵەبجەی یەکێتی زانایان بەشداری مەراسیمی کردنەویە مزگەوتێک لە شارۆچکەی تەوێڵە دەکات    *****    *****   لقی هەولێری یەکێتی زانایان لقی شەقڵاوەی یەکێتی زانایان و ئەوقافی شەقڵاوە بەسەر دەکەنەوە    *****    *****   لقی سۆرانی یەکێتی زانایان دانیشتنی هەفتانەی مامۆستایانی ئاینی ساز دەکات    *****    *****   لقی شەقڵاوەی یەکێتی زانایان دیداری زانستی هەفتانەی زانایانی ئایینی ئەنجام دەدات   
لەسەر ئاستی باڵا یەکێتی زانایان و وەزارەتی ئەوقاف و کاروباری ئایینی لەسەر چەند پرسێکی گرنگ کۆدەبنەوە
به‌رواری دابه‌زاندن: 23/05/2022 : 14:05:28
قه‌باره‌ی فۆنت

ئەمرۆ 23ی5ی2022 شاندێکی باڵای یەکێتی زانایان بەسەرپەرشتی بەرێز د. عبدالله مەلا وەیسی سەرۆکی یەکێتی زانایان و یاوەری بەرێز مامۆستا مەلا جەلال خەیلانی جێگری سەرۆک و د. حسن موفتی سەرۆکی ئەنجومەنی باڵای فەتواو ژمارەیەک لە ئەندامانی مەکتەبی تەنفیزی و ئەنجومەنی باڵای فەتوا سەردانی وەزارەتی ئەوقاف و کاروباری ئایینیان کردو بەگەرمیەوە لە لایەن بەرێز د. پشتیوان سادق وەزری ئەوقاف و کاروباری ئایین و بەرێوەبەری گشتی و راوێژکارو ستافی دیوانی وەزارەت پێشوازی کران.


ئامانج لەم دانیشتە گەنگەشەو تاوتوێی چەند پرسێکی گرنگ و پێویست و هەنوکەیی پەیوەست بە رەوشی ئایینی و کاروباری مزگەوتەکان و زانایانی ئایینی و بابەتی وەقف و یەکخستن و باشکردنی بەرێوەبردن و سەرپەرشتی کردنی مزگەوتەکان و چەند بابەتێکی تری پەیوەست بوو، کە هەردوولا هاوکارو هەماهەنگ و هاوڕا بوون لەسەر کار بۆ کردن و جێبەجێ کردنی.


لەلایەن خۆیەوە بەرێز د. عبدالله مەلا وەیسی سەرۆکی یەکێتی زانایان ئاماژە بەوە کرد، کە یەکێتی زانایان هەوڵی جددی داوە بۆ دانانی نەخشە رێ و پرۆژە پێشنیارێک کە خزمەت بە دۆخی ئایینی و نیشتمانی کوردستان دەکات و هۆکارە بۆ چارەسەری زۆرێک لە گرفت و ئاریشەکان و پاڵپشت و هەنگاوێکی باش دەبێت بۆ سەقامگیری کۆمەڵگە، هەروەها گوتیشی: یەکێتی زانایان و وەزارەتی ئەوقاف یەک ئامانجیان هەیە کە خۆی لە خزمەتی مامۆستایانی ئایینی و بەرەو پێشبردنی رەوشی مزگەوتەکان دەبینێتەوە، لەم پێناوەش یەکێتی زانایان پاڵپشت و هەماهەنگی تەواوی دەبێت لەگەڵ وەزراەتی ئەوقاف  بۆ جێبەجێ کردنی هەنگاوەکان.


دواتر رێزدار د.پشتیوان سادق وەزیری ئەوقاف و کاروباری ئایینی سوپاسی یەکێتی زانایانی کردو رایگەیاند: مەبەستی ئێمە خزمەتکردنی هەردوو ئاستی ئایینی و نەتەوەییەو ئەرکە هەمووان لە ئاستی بەرپرسیارێتی و بەرێوەبردنی هەنگاوەکان هەماهەنگ بین و بەرژەوەندی گشتی لەبەرچاو بگرین، هەروەها چەند بابەتێکی تری گرنگی وروژاندو دوا پێشهات و هەنگاوەکانی وەزارەتی ئەوقافی لەبەرەو پێشبردنی رەوشی ئایینی و بواری مزگەوتەکان و پرسی وەقف لەهەرێمی کوردستان خستە ڕوو.


شایەنی باسە دواتر بەشێک لە بەشداربووان تایبەت بە ناوەرۆکی کۆبوونەوە تەوەری کۆبوونەوەکەیان فراوان کردو گفتوگۆی تێرو تەسەل لەبارەی پرسەکانەوە کراو، هەر لەو سۆنگەوە چەند هەنگاوێکی هاوبەش و پەیوەست بە ناوەرۆکی تەوەری کۆبوونەوەکە بڕیاری لەسەر درا.