پیرۆزبایی مەکتەبی سیاسیی پارتی دیموکراتی کوردستان بۆ ساڵیادی دامەزراندنی یەکێتیی زانایانی ئایینی ئیسلامی کوردستان
بەڕێزان سەرۆک و ئەندامانی مەکتەبی تەنفیزی یەکێتیی زانایانی ئایینی ئیسلامی کوردستان بە بۆنەی(53)یەمین ساڵیادی دامەزراندنی یەکێتیی زانایانی ئایینی ئیسلامی کوردستان، گەرمترین پیرۆزبایی خۆمان لە ئێوەی هێژا و ئەندامانی ئەنجوومەنی ناوەندی یەکێتیەکەتان و سەرجەم زانایانی ئایینی پیرۆزی ئیسلام لە کوردستان دەکەین، هەوڵ و کار و چالاکییەکانتان مایەی رێز و ستایشن.
دامەزراندنی یەکێتیی زانایانی ئایینی ئیسلامی کوردستان بە بڕیاری (بارزانیی نەمر) یەکێکە لەو دەسکەوتە گرنگانەی بزووتنەوەی رزگاریخوازیی گەلەکەمان، هەروەها نیشانەی خەمخۆری و پشتیوانیکردنی سەرکردایەتیی سیاسیی پارتیمانە لە رۆڵ و پێگە و کاریگەریی مامۆستا و زانایانی ئایینی لە بواری پەروەردە و قووڵکردنەوەی هەستی نەتەوایەتی و نیشتمانی. یەکێتیی زانایانی ئایینی ئیسلامی کوردستان بە درێژایی مێژووی خۆی هەمیشە وەک بڵندگۆیەکی ڕاستەقینە وابووە بۆ داکۆکیکردن لە داب و نەریت و کولتووری ڕەسەنی کوردەواری، ئەمڕۆش لەگەڵ گۆڕانکارییەکانی سەردەم و پێشکەوتنەکانی پێویستە لە خزمەت و بەسوودی رۆڵەکانی گەلەکەمان بشکێتەوە.
هیوادارین لەو بۆنەیەدا وەک هەمیشە لەسەر هەمان بەرنامە و پەیامی ڕاست و دروستی یەکێتییەکەتان بەردەوام بن و هەنگاوی نوێتر و باشتر بنێن بۆ پتەوکردنی گیانی لێبوردەیی و تەبایی و پێکەوەژیان لە نێو کۆمەڵگەکەماندا. دووبارە پیرۆزباییتان لێدەکەین و هەر بەردەوام و سەرکەوتوو بن.
مەکتەبی سیاسیی پارتی دیموکراتی کوردستان
21/9/2023
لە پێناو پاراستنی ئارامی مزگەوتەکان و یەکڕیزی ناو موسڵمانان و یەکخستنەوەی پەرستش و دروشمە ئایینیەکان وەزیری ئەوقاف و کاروباری ئایینی فەرمانێک دەر دەکات
یهكێتی زانایانی ئایینی ئیسلامی کوردستان به بۆنهی مانگی مەولودو لهدایكبوونی پێغهمبهر(درودی خوای لهسهر بێت) بەیاننامەیەک بڵاو دەکاتەوە
