ئه‌مڕۆ (30/6/2010) هاووڵاتیه‌ك به‌ناوی (فه‌یسه‌ڵ سابیر) له ماڵی به‌ڕێز مامۆستا مه‌لا مه‌سعود سدیق پێشنوێژ‌و وتارخوێنی مزگه‌وتی محه‌مه‌د فه‌وزی له هه‌ولێر خۆی كوشت، دوای روودانی رووداوه‌كه، ده‌سبه‌جێ لقی هه‌ولێری یه‌كێتی زانایان سه‌ردانی مامۆستای كرد‌و، له نزیكه‌وه به‌دوای رووداوه‌كه داچوون، ده‌ركه‌وت، كه هاووڵاتی ناوبراو تووشی نه‌خۆشیه‌كی ده‌روونی بووه، خانه‌واده‌كه‌ی، كه په‌یوه‌ندییه‌كی زۆر تووند‌و تۆڵیان له‌گه‌ڵ مامۆستا هه‌یه، ئه‌و هاووڵاتیه ده‌هێننه لای مامۆستا بۆ ئه‌وه‌ی له رووی ده‌روونیه‌وه هه‌ندێك هاوكاری بكات، دوای ئه‌وه‌ی هه‌ردووكیان له ماڵی مامۆستا ده‌بن، مامۆستا بۆ نوێژ ده‌چێته مزگه‌وت، ناوبراو به مامۆستا ده‌ڵێت: تۆ بڕۆ من دێم، هه‌ر دوای ئه‌وه دیاره كه ده‌مانچه‌ی پێ بووه، یه‌كسه‌ر خۆی ده‌كوژێت.
بۆیه روونی ده‌كه‌ینه‌وه، كه مامۆستا ته‌نها لایه‌نی هاوكاری‌و پشتیوانی خۆكوژ بووه بۆ رزگاربوون له‌و حاڵه‌ته نه‌فسیه‌ی تێی كه‌وتووه، خانه‌واده‌كه‌شی ئه‌و هه‌قیقه‌ته ده‌زانن‌و، باشترین په‌یوه‌ندیشیان له‌گه‌ڵ مامۆستا هه‌یه. بۆیه ده‌خوازین كه‌س ئه‌م مه‌سه‌له‌یه به هه‌ڵه ته‌فسیر نه‌كاته‌وه.
راگه‌یاندنی
یه‌كێتی زانایانی ئایینی ئیسلامی كوردستان
30/6/2010
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
