یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایانی بۆ یەکەمین جار لەسەر ئاستی وڵاتانی ئیسلامی قورئان بە زمانی ئاماژە بۆ نابیستان لە مەراسیمێکدا بڵاو دەکاتەوە    *****    *****   مامۆستا مەلا حەمەئەمین سەراوی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایانی ئایینی ئیسلامی کوردستان و قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان ديدارێک ئەنجام دەدەن    *****    *****   سەرۆکی یەکێتی زانایان سەردانی سەرۆکی فەرمانگەی رێکخراوە ناحکومیەکانی هەرێم دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ تاوتوێ دەکات    *****    *****   یەکێتی زانایانی ئایینی ئیسلامی کوردستان و بەرێوەبەرایەتی گشتی چاکسازی مەراسیمێکی رێزلێنان بۆ 58 زانایانی ئایینی ساز دەکەن    *****    *****   مامۆستا شێخ جەلال بەرزنجی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حسن دوگۆمانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی روحانی ئێزیدی لەسەر سوکایەتیەکانی قاسم شەشۆ سەردانی مەکتەبی تەنفیزی یەکێتی زانایان دەکات    *****    *****   مامۆستا شێخ محمد خۆشکانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان سکاڵای یاسایی لەسەر قاسم شەشۆ تۆمار دەکات    *****    *****   ڕاگەیێندراوێکی ھاوبەش لە وەزارەتی ئەوقاف و کاروباری ئایینی و یەکێتی زانایانی ئاینی ئیسلامی کوردستانەوە   
كوێت له‌ رێگای ئه‌نته‌رپوله‌وه‌ هه‌وڵی ده‌ستگیركردنی یاسر حه‌بیب ده‌دات
به‌رواری دابه‌زاندن: 23/09/2010 : 10:30:01
قه‌باره‌ی فۆنت
حكومه‌تی كوێت به‌ ره‌سمی بڕیاری ده‌ستگیركردنی یاسر حه‌بیبی داوه‌‌و، داواش ده‌كرێت له‌ كوێت دادگایی بكرێت.

یاسر حه‌بیب كه‌سایه‌تی ئۆپۆزسیۆنی شیعه‌ مه‌زه‌به‌، ئێستا له‌ له‌نده‌نی پایته‌ختی به‌ریتانیا نیشته‌جێیه‌‌و، ره‌گه‌زنامه‌ی به‌ریتانیای هه‌یه‌.

له‌م ماوه‌ی دوایی یاسر حه‌بیب كۆمه‌ڵێك شتی كرد، كه‌ بووه‌ مایه‌ی توڕه‌بوونی موسڵمانانی سونی مه‌زه‌ب له‌ سه‌رتاسه‌ری جیهان، به‌تایبه‌تی له‌ ناو كوێت كاردانه‌وه‌ی زۆر تووندی هه‌بوو، كاتێك یاسر حه‌بیب له‌ له‌نده‌ن ئاهه‌نگێكی بۆ چه‌ند كه‌سایه‌تیه‌كی شیعه‌ مه‌زه‌ب رێكخست تێیدا ئاهه‌نگیان به‌بۆنه‌ی مردنی عائیشه‌ی دایكی بڕواداران ساز ده‌كرد‌و، جنێو‌و قسه‌ی ناشیرینیان ده‌رهه‌ق به‌ هاوه‌ڵه‌ به‌ڕێزه‌كانی پێغه‌مبه‌ری خوا ده‌ربڕی، دوای ئه‌وه‌ له‌ كوێت به‌ حوكمی ئه‌وه‌ی هه‌ڵگری ره‌گه‌زنامه‌ی كوێتیه‌، ناڕه‌زاییه‌كی زۆر له‌ نێو دام‌و ده‌زگاكان‌و له‌سه‌ر ئاستی جه‌ماوه‌ریش دروست بوو، داوای دادگاییكردنی ناوبراویان ده‌كرد.

ناڕه‌زاییه‌كان ته‌نها ناوه‌نده‌ سونیه‌كانی نه‌گرته‌وه‌، به‌ڵكو هه‌ندێك ناوه‌ند‌و كه‌سایه‌تی شیعه‌ش ناڕه‌زاییان ده‌ربڕی، له‌وانه‌ شێخ سه‌فاری شیعه‌ مه‌زه‌بی سعودیه‌، كه‌ دكتۆر یوسف قه‌ره‌زاوی سه‌رۆكی یه‌كێتی جیهانی زانایانی موسڵمان ده‌ستخۆشانه‌ی لێكرد.

یه‌كێتی زانایانی ئایینی ئیسلامی كوردستانیش له‌ كۆبوونه‌وه‌ی ئه‌نجومه‌نی ناوه‌ندی هه‌وڵی جنێودان‌و سوكایه‌تیكردن به‌ سه‌حابه‌كانی ئیدانه‌ كرد.

رۆژی سێشه‌مه‌ به‌ ره‌سمی ئه‌نجومه‌نی وه‌زیرانی كوێتی ره‌گه‌زنامه‌یان له‌ یاسر حه‌بیب سه‌نده‌وه‌، رۆژێك دوای ئه‌وه‌ ده‌ستكرا به‌ ئاماده‌یی یاسایی بۆ ئه‌وه‌ی له‌ رێگای پۆلیسی نێو ده‌وڵه‌تی (ئه‌نته‌رپول)ه‌وه‌ یاسر حه‌بیب ده‌ستگیر بكه‌ن، به‌ڵام هۆكاره‌كه‌ باس له‌ هیچ له‌و قسانه‌ی یاسر حه‌بیب ناكات، كه‌ سوكایه‌تی به‌ هاوسه‌ر‌و هاوه‌ڵانی پێغه‌مبه‌ر درودی خوای له‌سه‌ر بێت كردووه‌، ئه‌وه‌ی بۆ دادگا هێشتۆته‌وه‌، به‌ڵكو باس له‌وه‌ ده‌كات، كه‌ به‌ پێی یاسای كوێت، هاوڵاتی كوێتی بۆی نییه‌ دوو ره‌گه‌زنامه‌ی هه‌بێت، به‌ڵام ئه‌وه‌ دوو ره‌گه‌زنامه‌ی هه‌یه‌.

ماوه‌ بڵێین: ماوه‌یه‌ك به‌ له‌ ئێستا یاسر حه‌بیب خۆپیشاندانه‌كی له‌ له‌نده‌نی پایته‌ختی به‌ریتانیا رێكخست، كه‌ تێیدا داوای ده‌كرد، مه‌كه‌‌و مه‌دینه‌ بخرێ،ه‌ بنده‌ستی نه‌ته‌وه‌ یه‌كگرتووه‌كان‌و، له‌ وڵاتی سعودیه‌ بسه‌ندرێنه‌وه‌.