یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی شێخانی یەکێتی زانایان سەردانی ئەنجومەنی پارێزگای دهوک دەکات    *****    *****   خێرخوازێک بەرهەمی تەماتەی جووتیاران دەکڕێت و بەسەر کەمپەکان و خەڵکی هەژار دابەشی دەکات    *****    *****   سۆران: گه‌نجێكى نابینا لە‌ ماوه‌ى ٦ ساڵ تەواوی قورئانی پیرۆز و ٢٥٠ فەرموودە لەبەر دەکات ‎    *****    *****   قایمقامی قەزای شێخان سەردانی لقس شێخانی یەکێتی زانایان دەکات    *****    *****   مامۆستا مەلا محمود فقێ محمد شەمێرانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی شێخ محمد شێخ عبدالکریم کەسنەزانی یەکێتی زانایان پرسەنامەیەک رادەگەیەنێت    *****    *****   مامۆستا مەلا سلێمان پیرۆمەری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەنجومەنی باڵای فەتوا: سوتاندنی گیانداران بە زیندوویی بە هیچ شێوەیەک دروست نیە    *****    *****   مامۆستا مەلا شێخ حوسێن بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حەسەن باوەمردەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی کوڕی یەکێتی زانایان پرسەنامەیەک ئاراستەی مەلا محمدأمین چەمچەماڵی دەکات    *****    *****   ئەنجومەنی باڵای فەتوا: حوكمی مووچه‌ی بن دیوارو دوو موچه و خانەنشینی نایاسایی روون دەکاتەوە‌   
سەرۆکی یەکێتی زانایان: مانگی مەولود بۆ گەلی کورد شکۆدارە خوازیارم زانایان جوانیەکانی پێغەمبەر زیاتر بە کۆمەڵگە ئاشنا بکەن
به‌رواری دابه‌زاندن: 05/11/2019 : 08:56:56
قه‌باره‌ی فۆنت

لە پەیامێکدا سەبارەت بە یادی لەدایکبوونی پێشەوای مرۆڤایەتی (محمد المصطفى- درودی خوای لەسەر بێت)و کاریگەری لەسەر موسڵمانان و چۆنیەتی سوود وەرگرتن لەو دەرفەتە، بەرێز د. عبدالله مەلا سەعید سەرۆکی یەکێتی زانایان رایگەیاند: بەهاتنەوەی مانگی مەولود پیرۆزبایی لە تەواوی موسڵمان بەگشتی و گەلی کورد بەتایبەتی دەکەم، لەراستیدا گەلی کورد هەمیشە وابووە رێزی لە بۆنە ئایینی و نەتەوەییەکانی گرتووەو لە چوارچێوەی دینداری و هەستی ئیمانیەوە بایەخی بە یادە گرنگەکان داوە، چونکە گەلی کوردو کوردستانیان وێڕای هەست کردن بە تایبەتمەندی ئەو بۆنەیە، لەهەمان کات بەو پەڕی دڵسۆزی و پێشوازی و گەرمو گوڕیەوە ئەو یادەوەریە بە گەورەو گرنگ دەزانن.


سەرۆکی یەکێتی زانایان گوتی: باشتر وایە یادە بکەینە وێستگەی بەخۆداچوونەوەو هەوڵی شارەزایی پتر لە ژیان و سیرەی پێغەمبەر (درودی خوای لەسەر بێت) بدەین، بۆ ئەوەی نەوەی تازەو رۆڵەکانمان ئاشنای دینداری و رەوشت و هەڵسوکەوتی جوان و بەرز بن لەلایەک و، ساڵانە پەیام و هەڵوێست و هەنگاوی جددیتر بەرەو رێی چاکەکاری و سوننەتی پێغەمبەر (درودی خوای لەسەر بێت) بگرینە بەر لەلایەکی ترەوە.


د. عبدالله مەلا سەعید ئەوەشی گوت: گرنگە مامۆستایانی بەرێزی ئایینی لەو مانگەو لە مەراسیم و دەرفەتەکان تیشک بخەنە سەر پەیامە جوان و گرنگەکانی ئیسلام و، کۆمەڵگەی کوردی زیاتر ئاشنای گەورەیی پێغەمبەر (درودی خوای لەسەر بێت) بکەن، لەهەمان کات خوازیارم مەراسیمەکان بە شێوەیەکی شایستەو دوور لە شتی لاوەکی و بێ بەها بەرێوە بچن، بەڵکو دەبێ سوود لەو کۆبوونەوەو مەراسیمانە وەربگیرێت تا بتوانین چەمکەکانی ئیسلام و بەهای بەرزی ئەخلاق و لێبوردەیی و هاوکاری و هەڵوێستی مرۆڤدۆستانەو ویژدانپاکی و ئینسانیەتی پێغەمبەر (درودی خوای لەسەر بێت) گرنگی پێ بدەین، کە خۆشبەختانە زانایانی بەرێزی ئایینی هەمیشە هەوڵیان داوە جوانیەکانی ئیسلام بە موسڵمانان بگەیەنن.


سەرۆکی یەکێتی زانایان گوتیشی: بەشێکی گرفتە هەنوکەیی و کۆمەڵایەتیەکان دەگەرێتەوە بۆ غیابی پەیرەوکردنی ئامۆژگاریەکانی سەروەرمان، کەواتە پیادەکردن و بەعەمەلی کردنی رەوشتەکانی پێغەمبەر (درودی خوای لەسەر بێت) زامنی بەختەوەری و سەرفرای مرۆڤ و کۆمەڵگەیە، لەهەمان کات بایەخدان بە کلتوری پێکەوەژیان و یەکریزی نەتەوەیی و پاراستنی سەقامگیری و پتەوکردنی پەیوەندی و هەبوونی هەستی ئایینپەروەری و نەتەوەپەروەری و خۆشەویستی نیشتمان بەشێکی گرنگی ژیانی پێغەمبەر بووە.


هەروەها گوتیشی: پێویستە دەزگا ئیعلامیەکان و لایەنە پەیوەندارەکان بایەخی پێویست و تەواو بەو بۆنەیە بدەن و رێز لە هەستی بەرزی موسڵمان و دەربڕینی خۆشەویستی بۆ پێغەمبەر (درودی خوای لەسەر بێت) بگرن، چونکە گەلی کورد لەروانگەی هەستی بەرزی دینداری خزمەتی گەورەی پێشکەش کردووەو فەرهەنگی جوانیشی لەناو کوردەواری نەخشاندووە.


سەرۆکی یەکێتی زانایان ئەوەشی گوت: ئێمە وەکو یەکێتی زانایان هەر هەنگاوێک بە گرنگ دەزانین لە چوارچێوەی ئاوێتەکردنی گیانی ئیسلامپەروەری و نەتەوەدۆستی خزمەتێک بکات و دۆخی کۆمەڵگەو بواری رۆشنبیری و هۆشیاری تاک بەرەو ئاستێکی چاکترو گەشتر ببات.