یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
سعودیە: سەرۆکی یەکێتی زانایان بەشداری کۆنگرەی باڵای رابیتەی جیهانی ئیسلامی دەکات
به‌رواری دابه‌زاندن: 07/01/2020 : 23:06:19
قه‌باره‌ی فۆنت

ئەمرۆ سێشەممە 7ی1ی2020 بەرێز د. عبدالله مەلا سەعید سەرۆکی یەکێتی زانایان بە نوێنەرایەتی کوردستان و بۆ یەکەمین جار بەشداری لە کۆنگرەی چل و چوارەمینی ئەنجومەنی باڵای رابیتەی جیهانی ئیسلامی لە شاری مەککەی وڵاتی سعودیە کرد.


لەو کۆنگرەیە کە بە بەشداری نوێنەرو دامەزراوەی ئایینی زیاتر لە 82 وڵاتی ئیسلامی بەشدار بوون، بە مەبەستی گەنگەشەکردنی چەند پرسێکی هەستیاری گرنگی جیهانی ئیسلامی و یەکخستنەوەی پتری پەیوەندی وڵاتانی ئیسلامی و هەڵوەستەکردن لەسەر دوا پێشهات و پرسە گەرمەکان بەڕێوە چوو.


سەرۆکی یەکێتی زانایان بەرێز د. عبدالله مەلا سەعید بە جلوبەرگی کوردی و بە نوێنەرایەتی کوردستان، کە یەکەم جارە کورد بەشداری ئەو کۆنگرەیە دەکات، کە بە یەکێ لەو کۆنگرە گرنگ و مێژووییەی وڵاتانی عەرەبی و جیهانی ئیسلامی هەژمار دەکرێت و بڕیارو راسپاردەکانی بەلای وڵاتانی بەشدار بوو جێگەی بایەخ و گرنگی زۆرە.


لەو کۆنگرەیە شێخ عبدالعزیز ئال ئەلشیخ موفتی گشتی وڵاتی سعودیەو دکتۆر محمد عبدالکریم العیسی ئەمینداری گشتی رابیتەو زانای ناودار شێخ عبدالله بن بیه سەرۆکی مونتەدای بەهێزکردنی ئاشتی کۆمەڵگە موسڵمانەکان و دکتۆر محمد موختار جومعە وەزیری ئەوقافی میسڕو دکتۆر ئەحمەد ئەلعەبادی ئەمینداری گشتی رابیتەی موحەممەدی زانایانی مەغریب و دکتۆر شەوقی عەلام موفتی وڵاتی میسڕو ژمارەیەکی بەچاو لە زانایانی جیهانی ئیسلامی بەشدار بوون.


هەر لەو کۆنگرە بەرێز د. عبدالله مەلا سەعید سەرۆکی یەکێتی زانایان وەک نوێنەری زانایانی کوردو کوردستان لە پەیامێکیدا کە ئاراستەی بەشداربووانی کۆنگرەکەی کرد، باسی لە رۆڵی کوردو زانایانی کوردستان لەخزمەتی ئیسلام و قوڵکردنەوەی پەیوەندی و بڵاوکردنەوەی ئاشتی و سەقامگیری نێوان گەلانی جیهان کردو تەئکیدی کردەوە، کە گەلی کوردو زانایانی کوردستان هەمیشە فاکتەری ئاشتی و هەڵگری پەیامێکی میانڕەوانەی دوور لە هەر توندو تیژیەک بوونەو، لەسەر بنەمای زانستی شرۆڤەی بۆ ئیسلام کردووە، کە ئایینی بەها ئینسانی و ئیمانی و شارستانیەکان بووە.


سەرۆکی یەکێتی زانایان وێرای دووپاتکردنەوە لە زمانی دیالۆک و برایەتی و هەماهەنگی نێوان دامەزراوە ئایینیەکانی جیهانی ئیسلامی بۆ زاڵبوون بەسەر گرفت و پێشهاتەکان و رێگری لە تەشەنەی بیری توندڕەوی و مەترسی تیرۆر لەسەر کیان و نەتەوەکان، هاوکات ئەوەشی راگەیاندووە، کە گەلی کورد وێڕای مەزلومیەتی خۆی پاڵپشتی تەواوی هەنگاوەکانی ئاشتی و چەسپاندنی بنەماکانی پێکەوەژیان و هەستی مرۆڤدۆستی و پەیامی میانڕەوی ئیسلام دەکاتەوە.