یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
یەکێتی زانایان لە گەڵ رێزدار نێچیرڤان بارزانی سەرۆکی هەرێم لەسەر چەند پرسێکی ئایینی و نیشتمانی دیدارێکی گرنگ ئەنجام دەدات
به‌رواری دابه‌زاندن: 08/06/2021 : 14:07:52
قه‌باره‌ی فۆنت

 


ئەمرۆ 8ی6ی2021 مەکتەبی تەنفیزی یەکێتی زانایان بەسەرپەرشتی بەرێز د. عبدالله مەلا وەیسی سەرۆکی یەکێتی زانایان، بە ئامانجی گفتوگۆ سەبارەت بە چەند پرسێکی گرنگی ئایینی و نەتەوەیی و نیشتمانی لەگەڵ رێزدار نێچیرڤان بارزانی سەرۆکی هەرێمی کوردستان کۆبوونەوە.


سەرەتای دیدارەکە سەرۆکی یەکێتی زانایان بەناوی مەکتەبی تەنفیزیەوە وێڕای دەربڕینی سوپاس و خۆشحاڵی بەو دەرفەت و دیدارە، تیشکی خستە سەر رۆڵ و پێگەی سەرۆکایەتی هەرێم لە چارەسەرکردنی کێشەکان و پاراستنی یەکڕیزی نێو ماڵی کوردو سەقامگیری کۆمەڵگە.


سەرۆکی یەکێتی زانایان لە وتەکەیدا باسی لە گرنگی هەبوونی دەستوور بۆ هەرێمی کوردستان کردو ئاماژەی بە زەرورەتی جێکردنەوەو پێگەی  ئایینی ئیسلام لەناو دەستورو دیارکردنی وەک سەرچاوەی سەرەکی یاسادانان کرد، لەگەڵ ئەرک و ماف و ئازادییەکان و  مافی پێکاتەکان و رەچاوکردنی تایبەتمەندی خەڵکی کوردستان. هەروەها رەوشی ئایینی لە هەرێم و بایەخدان بە خوێندنی ئیسلامی و فەزای راگەیاندن لەهەرێم و پرسی چارەسەرکردنی گەندەڵی و گوزەرانی خەڵک و تەبایی نێوان لایەنەکان لەپێناو خزمەت و ئامانجی گشتی بەتێرو تەسەلی گفتوگۆی لەبارەوە کرد.


دواتر رێزدار نێچیرڤان بارزانی سەرۆکی هەرێمی کوردستان وێڕای بەخێرهێنان و دەربڕینی خۆشحاڵی بە دیداری لەگەڵ یەکێتی زانایان، باسی لە پێگەو کاریگەری زانایانی ئایینی لە هەرێمی کوردستان کردو هەڵوێست و پەیامی یەکێتی زانایانی بەگرنگ و جێی سوپاس وەسفکردو رایگەیاند: رۆڵی ئێوە یەکجار گەورەیە بۆ کوردستان.


سەرۆکی هەرێم رایگەیاند: بە دڵنیاییەوە پێشنیارو دیدی ئێوە لە مەسەلەی دەستوور بە زۆر دەزانین و شتێک ناکەین پێچەوانەی ئیسلام بێت، ئەوە قەناعەتی ئێمەیەو کۆمەڵگەی ئێمەش کۆمەڵگەیەکی دیندارەو بیروباوەڕی ئایینی کاریگەرییەکی قوڵی هەیەو سەرچاوەی ئیلهامی ئێمەش هەستی ئایینی و نەتەوەییە، زانایانی ئایینی رۆڵی سەرەکیان بینیوە لەو لێبوردەیی و پێکەوەژیان و ئاشتی و یەکتر قبوڵکردنەی لە کوردستان هەیە.


سەرۆکی هەرێمی کوردستان کوردستان لەبەردەم هەڕەشەی گەورە دایەو هێزی ئێمەش لە کوردستان لە یەکگرتن و تەبایی دایە، ئێوەش وەک زانایانی ئایینی رۆڵی گەورەتان گیڕاوە لە رابردوو، ئێستاش هەمان هەنگاو لە ئێوە چاوەڕوان دەکرێت، هەموو ئەو شتانەی ئێوە باستان بە هەندی وەردەگرین و کاری لەسەر دەکەین.


شایەنی باسە هەر لەو دیدارە کە بەرێز د. پشتیوان سادق وەزیری ئەوقاف و کاروباری ئایینی ئامادەی بوو، چەندین پرس و بابەتی تری گرنگی ئایینی و نەتەوەیی و نیشتمانی قسەو گفتوگۆی باشیان لەبارەوە کراو دیدارەکە سەرکەوتووانە کۆتایی هات.