دوابهدوای بڵاوبوونهوهی ههواڵی رفاندنی (حهكیم یوسف حهمهدهمین) ناسراو به (مهلا حهكیم)، كه به پێی ههواڵهكهی رۆژنامهی هاوڵاتی لهلایهن سوپای بارزانهوه رفاندراوه، دهستبهجێ مهكتهبی تهنفیزی یهكێتی زانایانی ئایینی ئیسلامی كوردستان وهك پارێزهری مافهكانی زانایانی ئایینی بهدواداچوونی بۆ ههواڵهكه كردو، دوای پهیوهندیكردن بهلایهنه پهیوهندیدارهكان له ئهوقافی شهقڵاوهو سوپای بارزانو خانهوادهی ناوبراو بۆمان دهركهوت، كه ناوبراو مهلا نییه، بهڵكو پیشهی (خزمهتگوزارو بانگبێژه)، ههروهها نهرفێندراوه، بهڵكو له ئهنجامی ههڵستانی به مارهكردنی ئافرهتێك بهبێ ئاگاداربوونی خانهوادهكهی، كه دواتر كێشهی كۆمهڵایهتی لێكهوتۆتهوه، بۆیه دادگا دهستگیری كردووه بۆ وهرگرتنی شاهێدیو زیاتر روونكردنهوهی باسهكه، ئێستاش ناوبراو له بنكهی پۆلیسهو، خانهوادهكهشی رایدهگهیهنن، كه ئهو بهپێێ دادگا دهستگیر كراوهو، بهپێی دادگاش ئهنجامهكانی دهردهكهونو، ملكهچی خۆشیان بۆ بڕیاری دادگا دهربڕیوه.
بۆیه هیواخوازین له راگهیاندنهكان وردبین بن له نووسینهكانو، ههركهسێكیش قسهیهكی كرد، به (مهلا) ناوی نهبهن، ئێمهش له یهكێتی زانایان پشتگیری له زانایانی ئایینی دهكهینو، ههر شتێك پێویست بێت بۆیان ئهنجام دهدهین، ئهو بهڕێزهش تهنها لهبهر ئهوهی (خزمهتگوزاری) مزگهوته، بۆ ههر پشتیوانیهك كه له رووی شهرعیو یاساییهوه رهوا بێت دهكهین.
راگهیاندنی
یهكێتی زانایانی ئایینی ئیسلامی كوردستان | 
