له‌ وتاری هه‌ینی ئه‌مرۆی مزگه‌وته‌كانی كوردستان وتاربێژان داوایان له‌ هاووڵاتیان كرد، ئه‌من‌و ئاسایش‌و بریایه‌تی كوردستان بپارێزن، ئه‌و حاڵه‌ته‌ له‌ هه‌موو شار‌و شارۆچكه‌كانی كوردستان هه‌بوو، به‌تایبه‌تیش له‌ پارێزگاكانی هه‌ولێر‌و سلێمانی‌و دهۆك‌و سه‌رجه‌م قه‌زا‌و ناحیه‌كان.

مامۆستایان داوایان له‌ حكومه‌تی هه‌رێمی كوردستان كرد، به‌ جددی به‌ پیر خواسته‌كانی جه‌ماوه‌ره‌وه‌ بچن، به‌تایبه‌تی دوای ده‌ركردنی ئه‌و بریارانه‌ی له‌ په‌رله‌مانی كوردستان ده‌ركران، بۆ ئه‌وه‌ی له‌لایێكه‌وه‌ خواسته‌كانی خۆپیشانده‌ران له‌ چاكسازیكردن له‌ هه‌رێمی كوردستان جێبه‌جێ بكرێن‌و، له‌لایه‌كی دیكه‌ش ژیانی هاووڵاتیان به‌ره‌و ئاسایی بوونه‌وه‌ بچێت.