زانای كوردی مێزه‌ر به‌سه‌ر كه‌به‌رده‌وام له‌خزمه‌ت و خه‌می میلله‌ته‌كه‌ی دایه‌و به‌رده‌وام به‌رگری له‌ده‌سكه‌وته ئاینی و نه‌ته‌وه‌یه‌كانی میلله‌ته‌كه‌ی ده‌كات، وه هیچ كه‌س ناتوانێ مساوه‌مه‌و موزایه‌ده به‌سه‌ر مامۆستایانی ئاینی یه‌وه‌بكات، مامۆستایان هه‌میشه‌لایه‌نه ئاینی و لایه‌نه نه‌ته‌وه‌یه‌كه‌یان به‌یه‌كه‌وه گرێداوه، وه ئه‌وانیش خاوه‌ن ماف و رای خۆیانن‌و، بۆ كه‌س نیه ئازادیه‌كانیان داگیر بكات، یاخود سنور بۆ ئازادیه‌كانیان دابنێت یان ته‌شهیر به كه‌سایه‌تیان بكات، وه‌یان بلێت ده‌بێ مامۆستا كان بگه‌ڕێنه‌وه بۆ مزگه‌وت و ته‌نها ئیشیان مزگه‌وت بێت و، هیچ قسه‌یه‌كی تر نه‌كه‌ن، به‌ڵكو هه‌ر میلله‌ته‌كه‌مان ئه‌مه له مامۆستاكانمان قه‌بوڵ ناكات، ده‌بێ مامۆستایانی ئاینی هه‌ڵسن به‌ئه‌ركی خۆیان به‌فه‌رمان به‌چاكه وڕێگری له خراپه وه‌ك واجبێكی شه‌رعی سه‌رشانیان با به میزاجی هه‌ندێ كه‌س ئه‌مه‌ش هه‌زم و قه‌بول نه‌كرێت. چونكه خه‌لك مامۆستایانی ئاینی به‌پێشه‌واو ڕابه‌ری خۆیان ده‌زانن و، هه‌میشه ڕۆل وپێگه‌یان دیاربووه‌‌و مێژووش ئه‌م شاتیه‌ی سه‌لماندوه، كه له شۆڕش و بزاڤی ڕزگاری خوازی گه‌لمان ئه‌وان هه‌لگیرسێنه‌رو ڕابه‌ربوینه، كاتێك مێژوو ده‌خوێنیته‌وه ده‌زانی ئه‌مه ڕاسته هه‌ر له شێخ عه‌بدولسلام وشێخ عوبه‌یدوللای نه‌هری و شێخ سه‌عیدی پیران و شێخ مه‌حمودو قازی محمه‌دو مه‌لاموسته‌فای بارزانی، وه‌به‌ده‌یان شاعیرو ئه‌دیب ونوسه‌رو ڕوناكبیریش له‌حوجره‌و مزگه‌وت و خوێندنی مه‌لایه‌تی پێگه‌یشتون.
به‌لام ئه‌وه‌ی سه‌یروجێگای هه‌لوه‌سته‌له سه‌ركردنه ئه‌مڕۆده‌بینین وده‌بیسین، له به‌شێك له ده‌زگا ڕاگه‌یاندنه‌كان وماڵپه‌ری رۆژنامه‌كان هێرشی ناڕه‌وا ده‌كرێته سه‌ر دین و زانایانی ئاینی، وه ته‌شهیر به كه‌سایه‌تیان و پیرۆزیه‌كانی ئاینی ده‌كرێ و به‌بێ جیاوازی وه سه‌نگه‌رێكی خراپیان له‌زانایان گرتووه‌‌و، ده‌یانه‌وێت له ڕێزو به‌های مامۆستایانی ئاینی كه‌م كه‌نه‌وه‌و ناشرینیان بكه‌ن له‌ناو كۆمه‌لگا، بۆ ئه‌وه‌ی خه‌ڵك گوێیان لێنه‌گریت‌و قسه‌كانیان كاریگه‌ری نه‌مێنێت، به‌مه‌رامی سوكایه‌تی پێكردن‌و سه‌رخستنی مه‌رام‌و ئاره‌زووه گڵاوه‌كانیان، وه له لایه‌ن هه‌ندێ ڕۆژنامه‌نوس و هه‌ندێ كه‌سه‌وه كه‌به‌بیری خۆیان وه‌ده‌زانن مامۆستایانی ئاینی ڕێگرن له‌به‌رده‌می ئه‌وان، یاخود ئه‌وان لێناگه‌ڕێن پڕۆژه‌كانیان تێپه‌ڕینن، له‌گه‌ل رێزم بۆ هه‌موو ئه‌و نوسه‌ره‌به‌رێزانه‌ی كه‌خاوه‌ن ویژدان و بیرێكی ته‌ندروستن‌و كه‌به‌هیچ شێوه‌یه‌ك له‌گه‌ل ئه‌وجۆره ته‌شهیر قسه‌خراپانه دانینه كه‌ده‌كرێن له‌ڕاگه‌یاندنه‌كان یاخود له ڕۆژنامه‌كان ده‌نوسرێن وه‌پێیان وایه له به‌رامبه‌ردا نابێت مامۆستایانی ئاینی باسی هیج بكه‌ن‌و قسه‌یان هه‌بێت.
به‌ڵام مامۆستایانی ئاینی هه‌میشه ده‌یانه‌وێت ئه‌وشته بێته جێ وسه‌ربخرێ كه به سوده، یان خزمه‌ت به میللته‌كه‌مان ده‌كات، نه‌ك شتێك ناڕه‌واو پێچه‌وانه‌ی شه‌ریعه‌تی ئیسلام بێت‌و خزمه‌ت به ناحه‌زانمان بكات، بێگومان نابێت هه‌موو ئه‌وهه‌لوێسته جوامێرو كوردپه‌روه‌رانه‌ی مامۆستاو مه‌لای كورد له بیر بكرێت كه نواندویه‌تی، وه به‌رده‌وامیش ده‌یگیڕێ به‌رامبه‌ر قه‌زیه‌كانی میلله‌ت.
ئه‌و بۆچون‌و خوێندنه‌وه‌خراپانه‌ش به‌رامبه‌ر به مامۆستایانی ئاینی ته‌نیا خزمه‌ت به دوژمنانی میللته‌كه‌مان ده‌كات، وه‌پێویسته هه‌مو لایه‌كمان ڕه‌چاوی بارودۆخی كوردستان بكه‌ین به تایبه‌ت له‌ڕووی ئه‌منیه‌وه،ده‌بێ كه بتوانین به‌یه‌كه‌وه خزمه‌ت به‌ره‌وشی واقیعی ئه‌مڕۆی كورستان بكه‌ین‌و، به هه‌موو لایه‌كمان پرۆسه‌كه سه‌ربخه‌ین، نه‌وه‌ك ئاڵۆزتر‌و خراپتر بكرێ. | 