مامۆستا مەلا محمد کاموسەکی کۆچی دوایی کردو یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات

ئەمرۆ 16ی11ی2020 زاناو کەسایەتی ئایینی و کۆمەڵایەتی هەولێر مامۆستا مەلا محمد کاموسەکی پێشنوێژو وتارخوێنی مزگەوتی شەهید جەمال لە شاری هەولێر بەهۆی نەخۆشیەوە كۆچی دوایی كردو یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:


به‌ناوی خوای گه‌وره‌و میهره‌بان


(وَبَشِّرِالصَّابِرِينَ الَّذِينَ إِذَاأَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّاإِلَيْهِ رَاجِعُونَ)


خانه‌واده‌ی به‌رێز مامۆستا مەلا محمد کاموسەکی


بەداخەوە هه‌واڵی وه‌فاتی زاناو که‌سایه‌تی ئایینی و کۆمەڵایەتی (مامۆستا مەلا محمد کاموسەکی)مان پێگه‌یشت، کە ئەمرۆ بەهۆی نەخۆشیەوە کۆچی دوایی کرد.


مامۆستا کەسێکی زاناو چاکەخوازو دیندارو ئەهلی سوڵح و ئاشتەوایی و بەهەڵوێست و کۆمەڵایەتی و دڵسۆزی مزگەوت و، هەموو تەمەنی لەخزمەتی رێبازی شەریعەت تەرخان کردبوو.


به‌و بۆنه‌وه‌ پرسه‌و سه‌ره‌خۆشی لە خانه‌واده‌و که‌س و کاری ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.


 انا لله وانا الیه راجعون


یه‌کێتی زانایانی ئایینی ئیسلامی کوردستان


16ی11ی۲٠۲٠