ئاشكرایه كه ئاهه‌نگ‌و خوێندنه‌وه‌ی مه‌ولوود‌و رێز گرتن له‌رۆژی له‌دایك بوونی پێغه‌مبه‌ری ئیسلام، له دێرین زه‌مانه‌وه له كوردستان هه‌بووه‌‌و میری هه‌ولێر ئه‌و دابوو نه‌ریته‌ی داهێناوه له‌لایه‌ن خه‌ڵكی كوردستان بایه‌خێكی پێدراوه، سه‌دان ساڵه له‌سه‌ر ده‌ستی ئه‌و، خه‌ڵكه موسلمانه پارێزراوه له‌جیهانیشدا بڵاو بۆته‌وه به‌شكۆمه‌ندی ئه‌و یاده پیرۆزه راده‌گیرێ، بایه‌خی ته‌واوی پێئه‌درێ بێگومان ئه‌و رۆژی پیرۆزه په‌یامێكی پڕ له‌خۆشه‌ویستی برایه‌تیه كه هه‌موو سالێك موسلمانان له‌جیهاندا به‌و په‌ری شادی دل خۆشیه‌وه پیرۆز بایی له‌یه‌كتری ده‌كه‌ن‌و، باسی له‌ره‌وشت‌و ئاكاری ئه‌و زاته پیرۆزه ده‌كه‌ن‌و شیرینی دابه‌ش ده‌كه‌ن‌و سرود‌و مه‌ولودو قه‌سیده‌ی زۆری تێدا ئه‌خوێننه‌وه، كه وا ئه‌و شتانه‌ش پێچه‌وانه‌ی ئیسلام نیه.
هه‌روه‌ها ئه‌و یاده هه‌ستی ئاینی‌و نه‌ته‌وایه‌تیمان ده‌بزێوێنێ به‌و مانایه، كه چۆن ئه‌و زاته خاك‌و ولاتی خۆی خۆش ویستوه، چۆن بوه‌ته مایه‌ی رزگار كردنی مرۆڤایه‌تی له‌كوێره‌وه‌ری ژێر ده‌ستی بۆ ژیانێكی پر له‌ئاسودی‌و به‌خته‌وه‌ری بۆ گشت گه‌لان گه‌لی كوردی موسلمانیش وه‌ك ته‌واوی گه‌لانی موسلمانانی جیهان یادو یاده‌وه‌ری ئه‌و سه‌روه‌ره ده‌كاته‌وه بۆ ئه‌وه‌ی دوپاتی بكاته‌وه، كه گه‌لێكه پابه‌نده به ئاینی پیرۆزی ئیسلام‌و خه‌ڵك‌و وڵاتی خۆی خۆش ده‌وێت، چونكه زۆر چه‌وسێندراوه‌ته‌وه به‌ده‌ستی دوژمنانی‌و ده‌یه‌وێ به‌مافه‌كان شاد بێت.
یاد كردنه‌وه‌‌و رێز گرتن له‌یادی له‌دایك بونی پێغه‌مبه‌ری خۆشه‌ویست زۆر ماناو بابه‌ت له‌خۆی ده‌گرێت، وه‌ك بڵاو كردنه‌وه‌ی ئاینی پیرۆزی ئیسلام‌و پاراستنی وڵات‌و ئاوه‌دان كردنه‌وه‌ی به‌هه‌موو شێوه‌یه‌ك له‌روی رۆشنبیری‌و پیشه سازی سه‌ربازی شاره‌زابوون له‌مێژوی میلله‌تان زیندو كردنه‌وه‌ی ئه‌م یاده گشت خه‌ڵك به‌روو خۆشی‌و دل نه‌وایی ده‌بات وه‌ك خودا ئه‌فه‌رموێت (وما ارسلناك الّا رحمه للعالمین)
هاتنی بۆگشت خه‌لك ره‌حمه‌ت بووه، ئه‌بێ ئێمه‌ی موسلمانیش ئه‌م پێغه‌مبه‌ره‌مان خۆش بوێت، چونكه مرۆڤ به‌ره‌‌و لای خودا به‌ره‌‌و سه‌ر فرازی دونیا‌و قیامه‌ت راده‌كێشێ كه‌واته یاد كرنه‌وه‌ی مه‌ولودی پێغه‌مبه‌ر شتێكی نامۆ‌و پێچه‌وانه‌ی شه‌ریعه‌تی ئیسلام نیه، هه‌روه‌ك هه‌ندێك كه‌س بیری لی َئه‌كه‌نه‌وه به‌نامۆی ده‌زانن له‌ئاینی ئیسلامدا به‌ڵام ده‌بێت ئه‌و یاده‌مان بۆ خودا بێت‌و به‌مالی حه‌ڵال بێت جیاوازی له‌نێوان هه‌ژار‌و داماوان نه‌بێ به‌ڵكو یادی مه‌ولود یادێكه له‌گه‌ل هه‌موو مه‌به‌سته‌كانی شه‌ریعه‌تی ئیسلام یه‌ك ده‌گرێته‌وه چونكه له مه‌ولوود كۆبونه‌وه‌ی موسلمانانه چه‌ندین وتاری به‌سود‌و ئامۆژگاری به‌سود له‌باره‌ی ئیسلام‌و ئاكارو ره‌وشت‌و ژیانی پێغه‌مبه‌رمان ده‌خوێندرێته‌وه سه‌لاواتی زۆر له‌پێغه‌مبه‌رمان ئه‌دریت شیرینی‌و هۆزه‌بانه‌ی پێغه‌مبه‌رمان به‌سه‌ر موسلمانان دابه‌ش ده‌كرێت له‌كاتی كۆبونه‌وه‌مان چونكه خۆشه‌ویستی پێغه‌مبه‌رمان به‌سه‌لاوه‌ت دان له‌سه‌ری دواكه‌وتنی ره‌وشت‌و ئاكاره جوانه‌كانی به‌و شێوه‌یه تاكی موسلمان ئه‌ی سه‌لمێنێت كه‌وا دوا كه‌وتنی پێغه‌مبه‌رمانین. | 