دیارده‌كا نێگه‌تیڤ دناڤ كومه‌لێ مه‌یێ موسلماناندا یا به‌ربه‌لاڤه، ژبو هه‌لبژارتنا پاشه‌روژا زاروكێت موسلمانان، بشێوازه‌كێ زالداری بو چه‌سپاندنا رأیا خو بسه‌ر یا زاوركاندا، ل ناڤ گه‌له‌ك خێزاناندا دێبینین زاروكه‌ك چ كچ یان كور دیاربو ژ شێوازێ ره‌فتارێن وی ودیڤ چون بكریارێت وی، بو بنه‌مایێن ئایینێ ئیسلامێ ، و ئاره‌زویێن ئایینی ل ده‌ڤ پیدادبن، تاكو ئایینێ وی بویه پارچه‌ك ژ ژیانا وی یا روژانه، هێش لده‌مێ زاروكینیێ، ل وی ده‌مێ ئه‌ڤ ده‌یكو بابه دێ رابن بدانا چه‌سپاندنا فه‌رمانه‌كێ بو قوتابخانه‌كا ئه‌كادمی ، و دێ فشاره‌كا زور ل سه‌ر وان كه‌ن كو په‌یوه‌ندیێ بئالیه‌كێ دیڤه بگرن، وه‌ك دڤێت ئه‌ڤ زاروكه ببیته ئه‌ندازیار یان نوژدار یان.... بێی حه‌زا ڤی زاروكی بو وێ بیروباوه‌را وان هه‌لبژارتی هه‌بیت، ئه‌ڤجا ئه‌ڤه ژ هه‌رقوناغه‌كا هه‌بیت ده‌ستپێبكه‌ت، ئه‌گه‌ر مه ئه‌ڤ راستیا ئاشكه‌را زانی دره‌فتارێن دره‌فتارا چه‌وانیا ئاڤاكرنا قه‌واره‌یێ هزری و ره‌فتاری یێن زاروكێن خو مه دواندا به‌رجه‌سته‌كرنه‌كا كویر به‌رجه‌ستكر ، هینگی دڤێت ئه‌م زاروكێت خو دیرنه‌كه‌ین ژ وان قوتابخانێت زانستێت ئایینێ ئیسلامی لێ تێنه خواندن پێگه‌هاندن، ودێ ریكا درست بو هه‌لبژێرین، دهه‌مان كاتدا ئه‌ڤ زاروكه‌ژی دێ سه‌ركه‌فتنێ بده‌ست خوڤه هینیت و دێ دپه‌یاما ئایینێ خوگه‌هیت ، و ته‌رازیا خو راست و درست كه‌ت، دیر ژ بیرو باوه‌رێت سه‌ردا چوی وچاڤ لێكرن و نمونه‌كرنا هنده‌ك كه‌سانێن سه‌ردا چویی وفێلبونا ره‌وشتێ به‌رزه‌بونێ دكارو بارێن ژیانێدا یان دبیاڤێت هزریدا، هوسا دێبیته پشت گوه هاڤێتنا بهایێن ئیسلامێ و بازدانا ل سه‌ر تخویبێن وی َ، ئه س دشیم بێژم ببیته دژاتیا رێوره‌سمێن وێ كه‌ت ومه‌ترسی دێ كه‌فیته دئایندێ ویدا، له‌ورا هه‌لبژارتنا رێكا درست دهێته هه‌لبژارتن ژبریارێت گرنك دژیانا مروڤیدا ، وئه‌ڤ چه‌نده ژی دێ كارتێكرنێ ل ئاییندێ وی ویێ خێزاناوی ، ویێ سه‌نته‌رێ وی، یێ جڤاكێ وی كه‌ت، هه‌لبه‌ت چ ده‌یكو بابان نه‌ڤێت زیان بگه‌هیته زاوكێت وان ، لێ به‌لێ ده‌ست نیشانكرنا چاره‌نڤێسێ وئایندێ مروڤی ژ هه‌رتشته‌كی گرنگتره، هزرا وانا مه‌زنه لێ شیانێن زاروكێت وان دسنوردارن ، ودڤێت ئه‌م بزانین كو پتریا مروڤان دواره‌كی یان پسپوره‌كی بتنێ دشاره‌زانه ، كێم مروڤ نه‌بن دبه‌هرمه‌ندبن وگه‌له‌ك پسپوریا بزانن،له‌ورا ئه‌گه‌ر مه به‌رێ ڤان زاروكان نه‌دا قوتابخان و ته‌كیایێت ئایینی ! بلا بینه پشته‌ڤان بو وێ ڤیانا هاتیه چاندن دناڤ دلێ واندا ، كو خزمه‌تا ئایینێ ئیسلامێ یه ، و بوێ چه‌ندێ دێشێت خزمه‌تا ئایینێ خو كه‌ت لدیف یپسپوریا خو ئو دێبیته ئه‌ندامه‌كێ ئه‌كتیف و مفادار دناڤ جڤاكێ خودا وخزمه‌تا باش و به‌رپێشی هه‌موو لایان كه‌ت.
* ئه‌ندامێ لقێ دهوك زانایان.
تێبینی: ئه‌م بابه‌ته له ژماره (76)ی گۆڤاری په‌یامی زانایان بڵاوكراوه‌ته‌وه. | 