چركه چركا دلێ ته
ئه‌ز هایدامه بزڤینێ
فێركرم و ئازراندم
هو هو دایێ
ژ خه‌مێت وه‌غه‌را ته
به‌ری ددانێت شیری بكه‌ڤن
میێت سپی پرچا م داگیر كر
ژ بیر ناكه‌م دیدارا داویێ
من ژی دگه‌ل خوه ببه به‌غدایێ
كورێ منو داوو
هه‌كه تو ب سه‌ركه‌ڤی
ئه‌ڤه ته ئه‌ز ساخكرمه‌ڤه
له‌وما دایێ
ئه‌ڤرو كه سوزا خوه دگه‌ل ته
نی د كه‌مه‌ڤه
چه‌ندی تاقیكرنه‌ك بێته د رێدا
ب سه‌رفه‌رازی ژێ ده‌رباسبم
هه‌ر جاره‌كا بێمه خه‌لات كرن
ده‌ستێت خوه بلند راكه‌م
ئه‌رێ ده‌یكێ
سه‌ری ل هه‌مبه‌ر ته ب چه‌مینم
هیڤیا بكه‌م پر ژ دل و جان
خوه‌دا دوعا من ژ ته هه‌ر ئه‌ڤه‌یه
(رب ارحمهما كما ربیانی صغیرا)
مه‌لا حوسه‌ین دوسكی | 