یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   بۆ کۆچی دوایی دایکی بەرێزیان یەکێتی زانایان پرسەنامەیەک ئاراستەی د.عومەر مەلا حسن مرۆ دەکات    *****    *****   مامۆستا مەلا عبدالله بەرواری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی ئەنجومەنی رۆحانی ئێزیدی سەردانی مەکتەبی تەنفیزی یەکێتی زانایان دەکات    *****    *****   جێگری سه‌رۆكی په‌ڕله‌مانی عێراق: پیرۆزبێت ساڵیادی دامه‌زراندنی یه‌كێتی زانایان    *****    *****   جێگری سه‌رۆكی حكومه‌ت؛ پیرۆزبایینامه‌یه‌ك ئاراسته‌ی یه‌كێتی زانایان ده‌كات    *****    *****   مه‌كته‌بی ته‌نفیزی: سه‌رۆكی یه‌كێتی زانایان پێشوازی له‌ پارێزگاری هه‌ولێر ده‌كات    *****    *****   ئه‌مینداری گشتی یه‌كگرتوو پیرۆزبایی له‌ یه‌كێتی زانایانی ئایینی ئیسلامی كوردستان ده‌كات    *****    *****   پەیامی سەرۆك بارزانی بە بۆنەی پەنجاهەمین ساڵیادی دامەزراندنی یەكێتیی زانایانی ئایینی ئیسلامیی كوردستان    *****    *****   پەیامی پیرۆزبایی سەرۆکی حکومەتی هەرێمی کوردستان لە یادی پەنجا ساڵەی دامەزراندنی یەکێتی زانایانی ئایینی ئیسلامیی کوردستان    *****    *****   پەیامی سەرۆکی هەرێمی کوردستان له‌ يادى دامەزراندنی یەکێتیی زانایانی ئایینی ئیسلاميی کوردستاندا    *****    *****   پەیامی بەڕێز وەزیری ئەوقاف وکاروباری ئایینی بەبۆنەی ساڵیادی دامەزراندنی یەکێتی زانایانی ئایینی ئیسلامی کوردستان    *****    *****   جێگری سەرۆکی پەرلەمان پیرۆزبایی لە یەکێتی زانایان دەکات   
مه‌لا تاهر مه‌لا سید محمود _ سیدصادق
به‌رواری دابه‌زاندن: 05/08/2019 : 00:23:31
قه‌باره‌ی فۆنت
چەند خاڵێک سەبارەت بە قوربانی کردن
هەمو ساڵێک لەگەڵ نزیک بونەوەی جەژنی قوربان موسڵمانانی جیهان وکوردستانی خۆشەویستیش بەتایبەتی ئامادەکاری دەکەن بۆقوربانی وبەجێهێنانی ئەوسونەت وشیعارەی ئاینی پیرۆزی ئیسلام ، بەجۆرێک خاوەن ئاژەڵەکان چاوەڕوانی فرۆشتنی ئاژەڵەکانیانن و قەسابەکان چەقۆتیژ دەکەن و هەژارانیش خۆشحاڵن وڕۆژ دەژمێرن بۆهاتنی جەژن بۆئەوەی تێر گۆشت بخۆن ، منیش خۆشحاڵم چەند خاڵیک بیری خۆم و ئێوەی خۆشەویست بهێنمەوە : 
۱/ داوالەخاوەن ئاژەڵەکان دەکەم بەهیچ جۆرێک ئاژەڵی نەخۆش ونەگونجاو بۆقوربانی بەپێی ڕێنمایی شەریعەتی ئیسلام مەفرۆشن بۆقوربانی . 
۲/ نرخی ئاژەڵ گران مەکەن و هاوکاربن بۆئەوەی خەڵک بتوانێت ئەو سونەتە جێبەجێ بکات . 
۳/ قەسابە بەڕێزەکان تادەتوانن هاوکاربن ،بەشێوەی خۆبەخش وئەگەر پارەشتان وەرگرت بازیادەڕەوی وتیادانەبێت . 
٤/هەرچەند ڕۆژانی جەژن پشووە ، بەڵام داوالە پزیشکە بەڕێزەکانی ڤێرتەرنەری دەکەم هاوکاربن وپشکنین بۆئاژەڵەکان بکەن و وەک کاری هەمیشەییتان خەمی تەندروستی هاوڵاتیان بخۆن. 
٥/داوالەهاوڵاتیان دەکەم پشکنین بۆ ئەوئاژەڵانەبکەن کەدەیکەن بەقوربانی چونکە نەخۆشی زۆربڵاوە .
٦/داوالەهاوڵاتیان دەکەم ڕەچاوی پاک وخاوێنی و پاراستن وپاکڕاگرتنی ژینگە بکەن و ئاگاداربن پاک وخاوێنی واجبی هەموانە . تاکودەتوانن ئاژەڵەکان لەقەسابخانە ی گشتی سەببڕن .
۷/ داوالەهاوڵاتیان دەکەم لەدابەشکردنی گۆشتی قوربانیدا ئاگاتان لە هەژاران وکرێنشین و ئاوارەکان ومنداڵی شەهید وبێباوک وبێنەواکان وکرێکارەبێنازەکان بێت .
۸/ داوادەکەم لەهەموو حیزب وڕێکخراوەکان دەست نەگرن بەسەرپرۆسەی قوربانیدا وقۆرخی نەکەن بۆهەوادارانی خۆیان ، قوربانی کارێکی خەیری ئاینی وکۆمەڵایەتیەو لێگەڕێن بالەگوند وکۆڵانەکاندا وەک ساڵانی ڕابوردو بەڕێوەبچێت چونکە هۆکاری خۆشەویستی وپەیوەندی خزمایەتی ودراوسێ یەتی یەو بەبەحیزبی نەکرێت . 
۹/ ئەوانەی جگەلەقوربانی خێردەکەن یاخود حەوتم دەکەن دەتوانن پێش جەژن دابەشی بکەن بەسەرئەوهەژارانەی کەناتوانن گۆشت بکڕن .
۱۰/ داوالەهەموو ئەوکەسانە دەکەم کەئاژەڵدارن ، یاباری دارییان باشەو توانایان هەیە باقوربانی بکەن بەنیەتی پاک وبۆخودا ودورلە ڕییا.
لەکۆتایدا داوالەخوادەکەم خێروقوربانیەکانی هەموولایەک قبوڵ بفەرموێت و بیکاتەی مایەی سەربەرزی ولەش ساغی و چاکەکاری خاوەن وبکەرو ماڵ ومنداڵیان و بیکاتە مایەی ئاسایش و ڕەحمەت بۆ کوردستانمان .