ئەمرۆ 1ی7ی2020 مامۆستا مەلا مەلا حەسەن باوەمردەیی کۆچی دوایی کرد، بەو بۆنەوە یەکێتی زانایان پرسەنامەیەک ئاراستەی خانەوادەکەی دەکات، ئەمەی خوارەوە دەقەکەیەتی:

بەناوی خوای گەورەو میهرەبان

خانەوادەی بەرێز مامۆستا مەلا حەسەن باوەمردەیی

وێڕای رازیبوون بە قەدەری خوای گەورە، هەواڵی کۆچی دوایی (مامۆستا مەلا حەسەن باوەمردەیی)مان پێگەیشت.

مامۆستا زاناو کەسایەتیەکی ئاینی و کۆمەڵایەتی شاری سلێمانی بوو، لە هەمان کاتدا کەسێکی دڵسۆزو ديندار بوو، جەنابی مامۆستا وەک ئیمام لەمزگەوتی ئەحمەدی حاجی علی خزمەتی دیارو بەرچاوو بوو، پیاوێکی قسەخۆش و ڕۆح سووک و شیرین بوو.

بەو بۆنەوە پرسەو سەرەخۆشی لە زانایان و خانەوادەو کەس و کاری مامۆستای رەحمەتی دەکەین، لەخوای گەورە داواکارین سەبرو ئارامی بە خزم و دۆستانی ببەخشێت و جێگەی کۆچکردوو بەهەشتی بەرین بێت.

انا لله وانا اليه راجعون

یەکێتی زانایانی ئایینی ئیسلامی کوردستان

1ی7ی۲٠۲٠