ئەمڕۆ ٢٠ ئەیلول ٢٠٢١ دووشەمە د. پشتیوان سادق وەزیری ئەوقاف وکاروباری ئایینی بە ئامادەبوونی د. عبداللە وەیسی  سەرۆکی یەکێتی زانایانی ئایینی ئیسلامی کوردستان و پ.ی د. دیار جباری بەڕێوەبەری گشتی دیوان بەوەکالەت ، بەرەچاوکردنی رێنماییە تەندروستیەکان لەگەڵ وتار خوێنان ومامۆستایانی ئایینی قەزای شەقڵاوە کۆبوەوە.

وەزیری ئەوقاف وکاروباری ئایینی لەوتەیەکەیدا بەخێرھاتنی مامۆستایانی ئایینی کردو خۆشحاڵی خۆی دەربری بەدیداری مامۆستایان، دواتر رۆڵی مامۆستایانی بەڕێزی بەرز نرخاند لە بڵاوکردنەوەی بیری میانرەوی خزمەتکردنی ئایینی پیرۆزی ئیسلام، ھەروەھا جەختی لە پاراستنی یەکڕیزی تەبایی کۆمەڵایەتی کردەوەوبە خاڵی بە ھێزی سەرکەوتنی دانا، دواتر بە ناوی حکومەتی کوردستان سوپاسی مامۆستایانی کرد کە لەکاتی ھاتنی قەیرانەکاندا ڕۆڵیان ھەبووە لە ئارامی و بڵاو کردنەوەی ھۆشیاری، لە تەوەرێکی تردا جەختی لە ئایین پەرەوەری و نیشیتمان پەروەری کردەوە ھەروەھا ئاماژەی بەبۆردی وتاری ھەینی کردو رایگەیاند بۆردی وتار لەسەر بنەمای راسپاردەکانی کۆنفرانسی رێکخستنی وتاری ساڵی ٢٠١٦دروست بووە، وتی وتار ئەمانەتێکی گەورەیە بۆیە ئێمە پێکەوە لەخزمەتی ھاوڵاتیانی ئازیزی کوردستاندا دەبین، لەبەشێکی ووتەکەیدا پەیوەندی بەھێزی نێوان یەکێتی زانایان و وەزارەتی ئەوقافی بەرز نرخاند بۆ گەیاندنی پەیامی ئایینی، دواتر ئاماژەیدا بە بەرەو پێشبردنی قوتابخانەو خوێندنی ئیسلامی و خزمەتکردنی حوجرەکان بەرەو پێش بردنیان ئامانجیش لێ ی تەنھا دروست کردنی مامۆستای ئایینی بێت.

دواتر د. عبداللە مەلا وەیسی سەرۆکی یەکێتی زانایان لەوتەیەکدا باسی لە رۆڵی زانایان و قۆناغی ئێستاو ئەرکە هەنوکەییەکان کردو پشتیوانی بۆ ھەنگاوە پر خزمەتەکانی وەزارەت دووپاتکردەوە، کە پەیوەندی بەھێزی زانایان و ئەوقاف خزمەت بە پرۆسەی خزمەتکردنی ئایینی دەکات بۆیە لەقۆناغی داھاتوو لەھەموو پرۆژەو بریارەکان پێکەوە دەبین ئەویش بەئامانجی خزمەتکردنی ئایینی پیرۆزی ئیسلام و پەیامە راستەقینەکەی دواتر خزمەتکردنی زانایانی ئایینی.

لەکۆتایدا مامۆستایانی بەڕێزی بەشدار پرسیارو پێشنیارەکانیان خستەڕوو بۆ خزمەتی ھەموولایەک.