یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
لە پەیامێکدا سەرۆکی ھەرێمی کوردستان پيرۆزبايى له‌ يه‌كێتيى زانايان ده‌كات
به‌رواری دابه‌زاندن: 21/09/2021 : 15:20:29
قه‌باره‌ی فۆنت

 له‌ يادى 51 ساڵه‌ى دامه‌زراندنى يه‌كێتيى زانايانى ئايينى ئيسلامیی كوردستاندا، به‌ گه‌رمى پيرۆزبايى له‌ يه‌كێتيى زانايان و ئه‌ندامانى و ته‌واوى مامۆستايانى ئايينى ئيسلامی له‌ كوردستان ده‌كه‌م، هيواى ته‌مه‌ندرێژى و سه‌ركه‌وتنيان بۆ ده‌خوازم.


ڕۆڵ و كاريگه‌ريى يه‌كێتيى زانايانى ئايينى ئيسلامیی كوردستان و كار و خه‌باتى زياتر له‌ نيو سه‌ده‌يان له‌ خزمه‌تى ئايين و خه‌ڵكى كوردستان و بره‌ودان به‌ گيانى نيشتمانپه‌روه‌رى و به‌ره‌نگاربوونه‌وه‌ى سته‌م و به‌رگريكردن له‌ مافه‌كانى مامۆستايانى ئايينى، به‌رز و به‌ ڕێزه‌وه‌ ده‌نرخێنين، هه‌موو پشتگیرییه‌ک له‌ مافه‌کانیان و باشترکردنی ژیان و گوزه‌رانیان ده‌که‌ین.


يه‌كێتيى زانايانى ئايينى ئيسلامیی كوردستان و مامۆستايانى ئايينى و پێگه‌يان له‌ کۆمه‌ڵگه‌دا، ڕۆڵى كارايان له‌ پاراستن و بڵاوكردنه‌وه‌ى گيانى ته‌بايى و لێبورده‌يى و يه‌كترقبووڵكردن و ميانڕه‌وى و ڕه‌تكردنه‌وه‌ى توندوتيژى و به‌ره‌نگاربوونه‌وه‌ى توندڕه‌وى هه‌يه‌ و له‌م ياده‌دا جه‌خت له‌ گرنگيى ڕۆڵ و كاريگه‌رييان له‌ پته‌وكردن و قووڵكردنه‌وه‌ى پێكه‌وه‌ژيانى ئاشتييانه‌ له‌ هه‌رێمى كوردستان ده‌كه‌ينه‌وه‌.


سڵاو و دروود بۆ گيانى پاكى ئه‌و مامۆستا به‌ڕێزانه‌ ده‌نێرين كه‌ له‌ كاروانى خه‌باتى يه‌كێتيى زانايانى ئايينى ئيسلامیی كوردستاندا گيانيان به‌ نيشتمان به‌خشى، سه‌ره‌خۆشى له‌ خێزان و كه‌سوكارى به‌ڕێزى مامۆستايانى كۆچكردوو به‌ نه‌خۆشيى ڤايرۆسى كۆرۆنا ده‌كه‌ين و هاوخه‌ميانين، خواى مه‌زن گيانيان به‌ به‌زه‌يى و ميهره‌بانيى خۆى شاد بكات.


بۆ خزمه‌تى نيشتمان و داهاتوويه‌كى باشتر، په‌روه‌ردگار پشت و په‌ناى هه‌موومان بێت.


 


نێچيرڤان بارزانى


سه‌رۆكى هه‌رێمى كوردستان


2021/9/21