ئەمرۆ 1ی11ی2025 بەرێز د.عبدالله مەلا وەیسی سەرۆکی یەکێتی زانایان بەیاوەری شاندێک لە شاری دهۆک لەگەڵ بەرێوەبەری گشتی ئەوقافی پارێزگای دهۆک و بەرێوەبەری ئەوقافەکانی سنووری پارێزگای دهۆک و ئیدارەی سەربەخۆی زاخۆو لقەکانی (دهۆک، زاخۆ، ئاکرێ، ئامێدی، شێخان)ی یەکێتی زانایان کۆبوویەوە.
لەدیدارێکدا سەرۆک یەکێتی زانایان تیشکی خستە سەر دوا پێشهاتەکان و رەوشی ئایینی و پرسە هەنوکەییەکان و لەوەشدا سوپاسی یەکێتی زانایانی ئاراستە کردن، کە رۆڵێکی گەورەیان لە خزمەتکردنی پەیامی دینداری و پرسە نەتەوەییەکان هەبووەو هەیە.
هەر لە دیدارەکەدا تیشک خرایە سەر چەند پرسێکی دیکەی گرنگ و هەستیارو پەیوەست بە دۆخی ئێستای کوردستان و پرسی هەڵبژاردن و قوڵکردنەوەی هەستی نیشتمانی و پاراستنی سەقامگیری و ئاشتی کۆمەڵایەتی و پێکەوەژیانی ئایینی.
