ئەمرۆ 8ی12ی2025 بەرێز د.عبدالله مەلا وەیسی سەرۆکی یەکێتی زانایان بەئامادەبوونی ژمارەیەک لە ئەندامانی مەکتەبی تەنفیزی یەکێتی زانایان؛ پێشوازی لە پۆلێک مامۆستا و قوتابی کۆلێژی یاسای زانکۆی سەلاحەددین کرد، کە بەسەرپەرشتی بەرێزان پرۆفیسۆری یاریدەدەر د.مغدید کریم و د.أکرم جەبار بەمەبەستی ناسینی پترو ئاگادار بوون لە کارو هەنگاوەکانی یەکێتی زانایان بەتایبەت لە بواری فەتوادان لە هەرێمی کوردستان هاتبوون.
وێڕای پێشوازی گەرم وبەخێرهێنان، بەرێز سەرۆکی یەکێتی زانایان خۆشحاڵی خۆی بە دیدارەکە دەربڕی و رۆڵی کۆلێژی یاسای لە پێگەیاندنی شارەزایانی بواری یاسا بەرز نرخاند، دواتر پوختەیەکی لە مێژووی دامەزراندنی یەکێتی زانایان وەک رێکخراوێکی پیشەیی باس کردو بوارەکانی کارکردن بەتایبەت لە بواری فەتوادان بۆ ئامادەبووان روون کردەوە.
لەلایەن خۆشیانەوە شاندنی ناوبراو سوپاسی سەرۆک و مەکتەبی تەنفیزی یەکێتی زانایانیان کرد بۆ پێشوازی وپیشاندانی ئەو رووە جوانەی یەکێتی زانایان کاریلەسەر دەکات و خزمەتی خەڵک و کوردستانیانی بە ئەولەویەتی کارەکانی خۆی داناوە.
