یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
به‌چاودێری سه‌رۆكی یه‌كێتی زانایان لقی هه‌ڵه‌بجه‌ی یه‌كێتی زانایان به‌فه‌رمی كرایه‌وه‌
به‌رواری دابه‌زاندن: 13/02/2019 : 00:33:39
قه‌باره‌ی فۆنت

ئه‌مرۆ سێشه‌ممه‌ 12ی2ی2019 له‌ ژێر چاودێری‌و به‌ئاماده‌بوونی به‌رێز د. عه‌بدوڵڵا مه‌لا سه‌عید گرتكی سه‌رۆكی یه‌كێتی زانایانی ئایینی ئیسلامی كوردستان‌و مامۆستا مه‌لا جه‌لال خه‌یلانی جێگری سه‌رۆك‌و مامۆستا مه‌لا نجم الدین شه‌مساوا‌و د. محمد نصرالله و مامۆستا مه‌لا دلشاد گه‌ڵاڵی ئه‌ندامانی مه‌كته‌بی ته‌نفیزی‌و ژماره‌یه‌ك ئه‌ندامی سه‌ركردایه‌تی، لقی هه‌ڵه‌بجه‌ی یه‌كێتی زانایانی ئایینی ئیسلامی كوردستان له‌ پارێزگای هه‌ڵه‌بجه‌ كرایه‌وه‌.


له‌و مه‌راسیمه‌دا كه‌ هه‌ر یه‌ك له‌ به‌رێزان مامۆستا ئازاد تۆفیق پارێزگاری هه‌ڵه‌بجه‌‌و ئه‌ندازیار شێخ كاوه‌ جێگری پارێزگار‌و نوخشه‌خان قائیمقامی هه‌ڵه‌بجه‌‌و مامۆستا شێخ ئارام به‌ڕێوه‌به‌ری گشتی ئه‌وقاف به‌وه‌كاله‌ت‌و دام‌و ده‌زگا حكومیه‌كان‌و نوێنه‌ری سه‌رجه‌م حزب‌و لایه‌نه‌كان‌و به‌ به‌ژداری ژماره‌یه‌كی به‌رچاو له‌ زانایانی ئایینی هه‌ڵه‌بجه‌‌و هه‌ورامان‌و شاره‌زور‌و كه‌سایه‌تی‌و ریش سپی‌و پیاوماقوڵانی ناوچه‌كه‌ به‌ژدار بوون.


له‌ ده‌سپێكی مه‌راسیمه‌كه‌ وێڕای خوێندنه‌وه‌ی چه‌ند ئایه‌تێك له‌ قوڕئانی پیرۆز، مامۆستا مه‌لا عبدالحمید حه‌مه‌ فه‌ره‌ج به‌رپرسی لقی هه‌ڵه‌بجه‌ی یه‌كێتی زانایان‌و ئه‌ندامی سه‌ركردایه‌تی وته‌ی به‌خێرهاتنی پێشكه‌ش كردو، تێیدا خۆشحاڵی خۆیی‌و زانایانی ئایینی سنوره‌كه‌ی ده‌ربڕی به‌و هه‌نگاوه‌ گرنگه‌ كه‌ بۆ یه‌كه‌م جاره‌ لقی یه‌كێتی زانایان له‌و شاره‌ ده‌كرێته‌وه‌، هه‌روه‌ها سوپاسی مه‌كته‌بی ته‌نفیزی یه‌كێتی زانایانی كرد له‌پاڵپشتی‌و هاوكاریان بۆ ئه‌و هه‌نگاوه‌‌و دڵنیاییشی دا، كه‌ لقی هه‌ڵه‌بجه‌ زه‌مینه‌یه‌كی تازه‌و هه‌نگاوێگی گرنگه‌ بۆ خزمه‌تی زانایان‌و پرسه‌ ئایینی‌و كۆمه‌ڵایه‌تیه‌كانی ناوچه‌كه‌‌و، جه‌ختی كرده‌وه‌ هه‌رچیه‌ك له‌توانا دایه‌ بۆ خزمه‌تی مامۆستایان‌و شاره‌كه‌ ئه‌نجامی بده‌ن.


دواتر به‌رێز مامۆستا ئازاد تۆفیق پارێزگاری هه‌ڵه‌بجه‌ وته‌یه‌كی پێشكه‌ش كردو به‌ناوی ئیداره‌ی شاره‌كه‌ پیرۆزبایی له‌ زانایانی ئایینی كردو ئه‌و هه‌نگاوه‌ی به‌ گرنگ وه‌سف كردو ته‌ئكیدی له‌ رۆڵی دیاری مامۆستایانی ئایینی كرده‌وه‌‌و پاڵپشتی بۆ هه‌ماهه‌نگی‌و هه‌وڵه‌كان دووپات كرده‌وه‌.


پاشان مامۆستا شێخ ئارام به‌رێوه‌به‌ری گشتی ئه‌وقاف به‌ وه‌كاله‌ت وته‌یه‌كی پێشكه‌ش كردو وێڕای پیرۆزبایی هیوای خواست كردنه‌وه‌ی لقی یه‌كێتی زانایان له‌ هه‌ڵه‌بجه‌ ببێته‌ ده‌رفه‌تێكی نوێ‌‌و هاوكار بۆ خزمه‌تی زانایان‌و به‌ره‌و پێش بردنی ره‌وشی ئایینی له‌ ناوچه‌كه‌.


دواتر به‌رێز د. عه‌بدوڵڵا مه‌لا سه‌عید سه‌رۆكی یه‌كێتی زانایان وتارێكی پێشكه‌ش كرد‌و وێڕای پیرۆزبایی له‌ زانایانی ده‌ڤه‌ره‌كه‌ هیوای سه‌ركه‌وتنی بۆ خواستن‌و ئه‌و هه‌نگاوه‌ی به‌ ده‌سكه‌وت‌و مێژوویی وه‌سف كرد‌و، رۆڵی زانایانی ده‌ڤه‌ره‌كه‌ی به‌رز نرخاند له‌ خزمه‌تكردنی ئیسلام‌و زانست‌و پێگه‌یاندنی زانای ئایینی‌و پرسه‌ نه‌ته‌وه‌یی‌و نیشتمانیه‌كانه‌وه‌.


گوتیشی: هه‌ڵه‌بجه‌ لانگه‌ی ده‌یان كه‌ڵه‌ زانای هه‌ڵكه‌وتوو بووه‌، كه‌ جێده‌ستی خزمه‌تیان له‌سه‌ر ئاستی كوردستان‌و عیراق به‌رچاوه‌، به‌تایبه‌ت له‌بواری فه‌تواو نووسین‌و ته‌دریسدا.


سه‌رۆكی یه‌كێتی زانایان گوتیشی: كردنه‌وه‌ی لقی هه‌ڵه‌بجه‌ بۆ هه‌موومان جێی ئومێدو دڵخۆشی زۆره‌، ماڵێكه‌ بۆ هه‌موو زانایان بێ‌ جیاوازی‌و بۆ خزمه‌تی ده‌ڤه‌ره‌كه‌‌و مامۆستایانی ئایینی‌و خه‌ڵكی ئه‌م شاره‌.


له‌ به‌شێكی تری قسه‌كانی وتی: خوازیارم سه‌رجه‌م زانایان هاوكارو پاڵپشت بن‌و وه‌ك یه‌ك تیم خزمه‌ت بكه‌ن، هه‌روه‌ك ده‌خوازم هه‌ماهه‌نگی ته‌واو له‌ نێوان لقی هه‌ڵه‌بجه‌‌و دام‌و ده‌زگاكانی شاره‌كه‌ به‌تایبه‌ت به‌رێوه‌به‌رایه‌تی ئه‌وقاف هه‌بێت، چونكه‌ هه‌بوونی ئه‌و هه‌ماهه‌نگیه‌ زامنی ده‌سكه‌وت‌و سه‌ركه‌وتنه‌.


شیاوی باسه‌ شاری هه‌ڵه‌بجه‌ وێڕای ئه‌وه‌ی شاری شه‌هیدانه‌‌و سمبولی دیاری مه‌زلومیه‌تی گه‌لی كورده‌، له‌هه‌مان كات مێژوێكی شكۆمه‌ندی هه‌یه‌ له‌ خزمه‌تی زانست‌و ئیسلام‌و زانایاندا‌و، له‌ ئێستاشدا ژماره‌یه‌كی به‌رچاو زانایانی ئایینی هه‌ن كه‌ خزمه‌تی ده‌ڤه‌ره‌كه‌ ده‌كه‌ن‌و رۆڵ‌و پێگه‌یان دیارو به‌رچاوه‌، بۆیه‌ له‌ كۆنگره‌ی شه‌شه‌می یه‌كێتی زانایان بڕیار درا به‌ كردنه‌وه‌ی لقی هه‌ڵه‌بجه‌ی یه‌كێتی زانایانی ئایینی ئیسلامی كوردستان.