ئەمرۆ 9ی9ی2020 مامۆستا مەلا قادر چەلەبی كۆچی دوایی كردو یەکێتی زانایان پرسەنامەیەک ئاراستەی خانەوادەکەی دەکات، ئەمەی خوارەوە دەقەکەیەتی:

بەناوی خوای گەورەو میهرەبان

(وَبَشِّرِالصَّابِرِينَ الَّذِينَ إِذَاأَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّاإِلَيْهِ رَاجِعُونَ)

خانەوادەی بەرێز مامۆستا مەلا قادر چەلەبی

ئەمرۆ هەواڵی وەفاتی کەسایەتی ئایینی و کۆمەڵایەتی دەڤەری برادۆست و سۆران و ئەندامی لێژنەی فەتوای لقی سۆرانی یەکێتی زانایان (مامۆستا مەلا قادر چەلەبی)مان پێگەیشت.

مامۆستای مەرحوم زاناو کەسایەتیەکی سادەو دڵسۆزو خاوەن هەستی نەتەوەیی و نیشتمانی بوو، هاوکات خزمەتێکی زۆری لە ریزەکانی یەکێتی زانایان هەیەو لەرووی کۆمەڵایەتی و ئاشتەوایی و کارە باشەکان جێگەی دیار بوو.

بەو بۆنەوە پرسەو سەرەخۆشی خۆمان ئاراستەی خانەوادەو کەس و کاری رەحمەتی دەکەین، لەخوای گەورە داواکارین سەبرو ئارامی بە خزم و دۆستانی ببەخشێت و جێگەی مامۆستای رەحمەتی بەهەشتی بەرین بێت.

انا لله وانا اليه راجعون

یەکێتی زانایانی ئایینی ئیسلامی کوردستان

9ی9ی۲٠۲٠