یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
یەکێتی زانایان وەک پاڵپشتی و بایەخدان بە هەڵمەتی هۆشیاری نیشتمانی تایبەت بە منداڵ سیمینارێک ساز دەکات
به‌رواری دابه‌زاندن: 12/07/2021 : 13:17:13
قه‌باره‌ی فۆنت

ئەمرۆ 12ی7ی2021 لەژێر چاودێری رێزدار د. عبدالله مەلا وەیسی سەرۆکی یەکێتی زانایان و بە بەشداری ژمارەیەکی بەرچاو لە مامۆستایانی ئایینی و بەهەماهەنگی لەگەڵ ستافی سەرپەرشتیاری بەشی منداڵانی نەخۆشخانەی پار سیمینارێکی تایبەت بە هەڵمەتی هۆشیاری نیشتمانی لەژێر دروشمی (منداڵەکانتان زوو بخەوێنن) لە هۆڵی بارەگای مەکتەبی تەنفیزی یەکێتی زانایان لە شاری هەولێر بەرێوە چوو.


لە وتەیەکدا بەرێز د. عبدالله مەلا وەیسی سەرۆکی یەکێتی زانایان باسی لە گرنگی بابەتەکەو ناوەرۆکی سیمینارەکە کردو بەوردی روانگەو رێزو بایەخدانی ئایینی پیرۆزی ئیسلامی سەبارەت بە پەروەردەو سەرپەرشتی کردنی منداڵ بە شێوەیەکی تەندروست و بەهادار خستەڕوو، چەندین بەڵگەی ئایەت و فەرموودەی هێنایەوە کە چۆن و بە چ شێوازێک بایەخ بە چاولێبوونی منداڵ دراوە.


هەروەها باسی لە رۆڵی زانایان لە هۆشیارکردنەوەی کۆمەڵگەو هاڵاتیان کرد، کە هەمیشە بەخەمخۆریەوە ئامانجیانە خزمەتی نەوەیەکی تەندروست و پەروەردەیەکی رەسەن لەبەر چاو بگیرێت، هەمووانیش بەپرسیارین بەرامبەر بە منداڵ و گەشەپێدانی لەرووی جەستەیی و دەروونی و پەروەدەیی، چونکە ئیسلام و پێغەمبەری پێشەوا دروودی خواب لێ بێت بایەخی تەویان بەو پرسە داوە.


سەرۆکی یەکێتی زانایان ئاماژەی بە گرنگی هەڵمەتەکە کردو دەستخۆشی خۆی ئاراستەی سەرپەرشتیاران کردو رایگەیاند: دەبێ هەمووان بە هەستی بەرپرسیارێتیەوە مامەڵە لەگەڵ پرسی منداڵ بکەین و لەژێر چەتری رێنمایی ئیسلام و نەریتی رەسەنی کۆمەڵگەی کوردی بەرەو ئاراستەیەکی باشیان بەرین.


دواتر بەرێز د. محمد حسن سەرۆکی بەشی منداڵان لە نەخۆشخانەی پارو سەرپەرشتیاری هەڵمەتی نیشتمانی (منداڵەکانتان زوو بخەوێنن) بابەتێکی تێرو تەسەلی پێشکەش کردو تێیدا بە وردی و بە شێوەیەکی زانستی و لە روانگەی تەندروستیەوە ئامانجی هەڵمەتەکەو زەرورەتی بابەتەکەی شیکردەوەو بە پێویستی زانی هەمووان لەروانگەی هەستی بەرپرسیارێتیەوە خەمێک لە منداڵان بخۆین و هەوڵی بەرنامەیەکی باشی تەندروستی و شێوازی پەروەردەییان بدەین، بەتایبەت لەروانگەی زوو خەوتنیانەوە.


هەروەها دکتۆر محمد باسی لە خاڵ بەخاڵی لایەنی ئەرێنی زووخەواندنی منداڵان کردو بە پێچەوانەشەوە زیان و لایەنە سەلبیەکانی درەنگ خەوتن و فشاری ئامێرە ئەلیکترۆنیەکانی خستە روو.


شایەنی باسە لە کۆتایی سیمینارەکە مامۆستایانی بەژدار بوو بە سەرنج و پرسیار دانیشتن و بابەتەکەیان دەوڵەمەند کردو خۆشبەختانە سیمینارەکەی بووە جێی بایەخ و رەزامەندی بەشداربووان.