بەیانی ئەمرۆ 7ی11ی2025 کەسایەتی ئایینی و کۆمەڵایەتی دەڤەری راپەرین و ئەندامی ناوچەی حاجیاوای یەکێتی زانایان و پێشنوێژو وتارخوێنی مزگەوتی مەولەوی لە حاجیاوا؛ مامۆستا مەلا خدر زەنگڵ كۆچی دوایی كرد، یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:

به‌ناوی خوای گه‌وره‌و میهره‌بان

(وَبَشِّرِ الصَّابِرِينَ، الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ)

بنەماڵەی خوالێخۆشبوو: مامۆستا مەلا خدر زەنگڵ

بەرازی بوون بە قەدەری خوای گەورە هه‌واڵی وه‌فاتی زاناو کەسایەتی ئایینپەروەرو دیندارو کۆمەڵایەتی (مامۆستا مەلا خدر زەنگڵ)مان پێگه‌یشت.

به‌و بۆنه‌وه‌ پرسه‌و سه‌ره‌خۆشی لە لقی رانیەی یەکێتی زانایان و خانه‌واده‌و که‌س و کاری مامۆستای ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.

 انا لله وانا الیه راجعون

یه‌کێتی زانایانی ئایینی ئیسلامی کوردستان

7ی11ی2025