یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
روونكردنه‌وه‌یه‌ك له‌ یه‌كێتی زانایانه‌وه‌ ده‌رباره‌ی پڕۆژه‌ یاسای مزگه‌وت‌و هونه‌ر‌و رۆشنبیری
به‌رواری دابه‌زاندن: 10/01/2011 : 12:17:15
قه‌باره‌ی فۆنت
به‌ناوی خوای گه‌وره‌‌و میهره‌بان
دیاره‌ چه‌ند كه‌سێك له‌ كوردستان‌و ده‌ره‌وه‌ی كوردستانه‌وه‌ پڕۆژه‌ یاسایه‌كیان پێشكه‌شی په‌ڕله‌مانی كوردستان كردووه‌، تێیدا چه‌ند بڕگه‌یه‌كیان خسۆته‌ پێش په‌ڕله‌مانی كوردستان، كه‌ جێگای سه‌رنج‌و تێبینی ئێمه‌یه‌‌و، ده‌كرێ‌ گفتوگۆ له‌سه‌ر هه‌موو خاڵه‌كانی بكرێت، به‌ڵام ئه‌وه‌ی لێره‌ مایه‌ی نیگه‌رانی ئێمه‌یه‌، كۆمه‌ڵێك كه‌سایه‌تی كه‌ هه‌ندێكیان جێ‌ په‌نجه‌یه‌یان له‌ بواری رۆشنبیری‌و هونه‌ری دیاره‌، كه‌چی به‌بێ‌ گه‌ڕانه‌وه‌ بۆ خه‌ڵكی مزگه‌وت‌و دام‌و ده‌زگاكانی تایبه‌ت به‌ مزگه‌وت، وه‌ك وه‌زاره‌تی ئه‌وقاف‌و یه‌كێتی زانایان‌و لێژنه‌ی ئه‌وقاف له‌ په‌ڕله‌مانی كوردستان، پڕۆژه‌ یاسایه‌كیان پێشكه‌شی په‌ڕله‌مان كردووه‌، ئه‌وه‌ی مایه‌ی نیگه‌رانی پتره‌، ده‌بوو ئه‌و به‌ڕێزانه‌ی له‌ ژێر ئه‌و ناونیشانانه‌ كار ده‌كه‌ن، هه‌میشه‌ كار بۆ ئازادی راده‌ربڕین‌و ئازادی گووتن‌و فراوانكردنی مه‌وداكانی دیموكراسیه‌ت بده‌ن، نه‌ك خوانه‌خواسته‌ له‌ رێگای ئیمزا كۆكردنه‌وه‌ هه‌وڵی كپكردنی ده‌نگی مامۆستایانی ئایینی بده‌ن، به‌تایبه‌تی ده‌بوو ئه‌و به‌ڕێزانه‌ هه‌قیقه‌تی ئه‌وه‌ بزانن، كه‌ ئه‌وه‌ی مامۆستایانی ئایینی ده‌یوروژێنن كاردانه‌وه‌ی وتار‌و بابه‌تی رۆژنامه‌‌و گۆڤاره‌كانه‌، بۆیه‌ ئێمه‌ چاوه‌ڕوانی ئه‌وه‌ نه‌بووین، كه‌سانێك خۆیان به‌ نوخبه‌ بزانن هه‌نگاوێكی له‌و جۆره‌ بهاوێژن‌و، ده‌نگی مرۆڤه‌كانی دیكه‌ كپ بكه‌ن‌و، بیبڕن، ئه‌وه‌ وه‌ك ئه‌وه‌ وایه‌ له‌ به‌رامبه‌ر قسه‌ گووتن به‌ پیرۆزیه‌كان‌و شێواندنی جوانیه‌كانی كوردستان له‌لایه‌ن چه‌ند رۆژنامه‌‌و گۆڤارێكه‌وه‌، خه‌ڵكی كوردستان ئیمزا كۆبكه‌نه‌وه‌، كه‌ له‌ هه‌ر پارێزگایه‌ك ته‌نها یه‌ك رۆژنامه‌ ده‌ربچێت‌و، له‌ رێگای چاپه‌وه‌ به‌سه‌ر شار‌و دێهاته‌كانی دیكه‌ دابه‌ش بكرێت، كه‌ دیاره‌ ئه‌وه‌ش به‌ر ته‌سككردنه‌وه‌ی ئازادی‌و كپكردنی ده‌نگه‌ جیاوازه‌كانه‌، به‌تایبه‌تیش كپكردنی مزگه‌وت‌و نه‌هێشتنی وتاره‌كانی مزگه‌وت، هه‌میشه‌ رژێمه‌ دیكتاتۆره‌كان كاریان بۆی كردووه‌‌و، قه‌تیش تێیدا سه‌ركه‌وتوو نه‌بوونه‌، چونكه‌ خه‌ڵك ته‌نها بۆ ماوه‌یه‌ك خۆی له‌ ژێر چه‌وساندنه‌وه‌‌و سته‌مكاری راده‌گرێت.

له‌ بری ئه‌وه‌ وه‌ك چه‌ندین جاری دیكه‌ش بانگه‌وازی ئه‌و برا نووسه‌ر‌و رۆژنامه‌نووسانه‌مان ده‌كه‌ین، با پێكه‌وه‌ كار بكه‌ین‌و، گفتوگۆ‌و حیوارمان هه‌بێت‌و، بۆ ئه‌وه‌ی هه‌موو رۆشنبیران چ مامۆستایانی ئایینی یان نووسه‌ر‌و رۆژنامه‌نووسه‌كانی كوردستان له‌ یه‌ك نزیك ببینه‌وه‌‌و، هه‌وڵبدرێت رۆژنامه‌‌و گۆڤاره‌كان خۆیان دووربگرن له‌ ته‌شهیر‌و سوكایه‌تیكردن به‌ پیرۆزیه‌كان بۆ ئه‌وه‌ی كاردانه‌وه‌ی به‌رامبه‌ری لێنه‌كه‌وێته‌وه‌، كه‌ له‌وه‌ش داوا له‌ وتاربێژه‌ به‌ڕێزه‌كانمان ده‌كه‌ین ناوی هیچ كه‌س‌و لایه‌نێك له‌ مینبه‌ری مزگه‌وت نه‌هێت‌و، به‌ هه‌موو شێوه‌یه‌ك خۆیان له‌ ته‌شهیر به‌ دوور بگرن، دڵنیاشین هه‌روا ده‌بن، چونكه‌ وه‌ك هه‌میشه‌ زانایانی ئایینی كه‌سانی خواناس‌و نیشتیمانپه‌روه‌ر‌و دڵسۆزی خاك‌و وڵات‌و نیشتیمانی خۆیانن.

بۆیه‌ به‌ دڵنیاییه‌وه‌ ئه‌و پڕۆژه‌یه‌ خزمه‌ت به‌ گیانی پێكه‌وه‌ژیان‌و پێشكه‌وتنی كوردستان ناكات‌و، به‌رته‌سكركردنه‌وه‌ی ئه‌و ئازادیه‌یه‌، كه‌ چه‌ندین ساڵه‌ قوربانی بۆ ده‌درێت، به‌ڵكو له‌ بری ئه‌وه‌ پێویسته‌ هه‌نگاوی له‌ یه‌ك نزیكبوونه‌وه‌ بهاوێژین‌و، هه‌موو لایه‌كیش هه‌وڵ بده‌ین له‌ چوارچێوه‌ی یاسا‌و رێزگرتن له‌ پیرۆزیه‌كان ده‌رنه‌چین، تا له‌ ئه‌نجامدا هه‌موومان خزمه‌تی وڵات‌و نیشتیمانمان بكه‌ین.

مه‌كته‌بی ته‌نفیزی
یه‌كێتی زانایانی ئایینی ئیسلامی كوردستان
‏10‏/01‏/2011