یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
به‌یاننامه‌ی یه‌كێتی زانایانی ئایینی ئیسلامی كوردستان به‌ بۆنه‌ی 50 ساڵه‌ی دامه‌زراندنیه‌وه‌
به‌رواری دابه‌زاندن: 20/09/2020 : 13:05:25
قه‌باره‌ی فۆنت

به‌ناوی خوای به‌خشنده‌ی میهره‌بان

وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا وَاذْكُرُوا نِعْمَةَ اللَّهِ عَلَيْكُمْ

به‌بۆنه‌ی یۆبێلی زێڕین تێپه‌ڕ بوونی 50 ساڵ به‌سه‌ر دامه‌زراندنی یه‌كێتی زانایانی ئایینی ئیسلامی كوردستان، پیرۆزبایه‌كی گه‌رم ئاراسته‌ی ته‌واوی زانایانی به‌ڕێزی ئایینی و خه‌ڵكی كوردستان ده‌كه‌ین.

یه‌كێتی زانایان وه‌ك رێكخراوێكی پیشه‌یی له‌ 21/9/1970 له‌هه‌ل و مه‌رجێكی تایبه‌ت و له‌ پێناو خزمه‌تی ئیسلام و دۆزی ره‌وای گه‌لی كوردو خزمه‌تی زانایانی قه‌درگران له‌ شارۆچكه‌ی گه‌ڵاڵه‌ی باڵه‌كایه‌تی، له‌ژێر ئاڵای كوردستان و له‌سه‌ر راسپارده‌و سه‌رپه‌رشتی راسته‌وخۆی سه‌ركرده‌ی نه‌ته‌وه‌یی مه‌لا مسته‌فای بارزانی دامه‌زرا، كه‌ بووه‌ چه‌تری كۆكه‌ره‌وه‌و سه‌كۆی رۆڵ و كاریگه‌ری‌و پێگه‌ی مه‌لاو زانایانی ئایینی له‌ كوردستاندا.

له‌ كاتێكدا ئه‌م ساڵیاده‌ ده‌كه‌ینه‌وه‌، كه‌ نیو سه‌ده‌ به‌سه‌ر خزمه‌ت‌و خه‌بات‌و ته‌مه‌نی پڕ شكۆ‌و هه‌ورازو نشێوی یه‌كێتی زانایان تێپه‌ر ده‌بێت، شانازیه‌كی گه‌وره‌یه‌ كه‌ زانایانی ئایینی به‌رده‌وام ته‌مه‌نی خۆیان له‌خزمه‌ت په‌یامی جوانی ئیسلام‌و شارێگه‌ی كوردایه‌تی‌و نیشتمانپه‌روه‌ری سه‌رف كردووه‌، وێڕای شانازی كردنمان به‌م یاده‌ رۆڵی زانایان له‌ نیو سه‌ده‌ی رابردوو به‌رز ده‌رنرخێنین. سه‌ربه‌رزین كه‌ به‌شێكین له‌و زه‌مینه‌ی هه‌میشه‌ رۆڵی كاریگه‌رمان هه‌بووه‌ له‌ به‌ره‌و پێشبردنی كوردستان‌و ئه‌زموونه‌كه‌ی، هه‌میشه‌ش دروشمی ئیسلامپه‌روه‌ری‌و كوردایه‌تیمان پێكه‌وه‌ گرێداوه‌، كه‌ زاده‌ی ئیلهامبه‌خشی په‌یامی پیرۆزی ئیسلام‌و شه‌ریعه‌ته‌ مه‌زنه‌كه‌یه‌تی.

هاوكات له‌گه‌ڵ ئه‌م یاده‌ جارێكی تر راده‌گه‌یه‌نین له‌ به‌رده‌وامبوون بۆ گه‌یشتن به‌و ئامانجه‌ پیشه‌یی و ئایینی و نیشتیمانی و نه‌ته‌وه‌ییانه‌ی رێكخراوه‌كه‌ی بۆ دامه‌زراوه‌، به‌تایبه‌تی له‌ قۆناغی ئێستادا كه‌ گه‌له‌كه‌مان به‌ دۆخێكی سه‌ختی دارایی‌و ته‌ندروستی گوزه‌ر ده‌كات‌و هه‌مووان چاوه‌ڕێین له‌ئه‌نجامی لێك تێگه‌یشتن‌و رێكه‌وتنی ستراتیژی‌و ته‌بایی نێو ماڵی كورد‌و هه‌ماهه‌نگی‌و یه‌كهه‌ڵوێستی لایه‌نه‌كان، قۆناغه‌كه‌ به‌ره‌و ئاینده‌یه‌كی باش‌و خێر ببه‌ن. له‌چوارچێوه‌ی دابین كردنی خوشگوزه‌رانی هاوڵاتیان و سه‌روه‌ری یاساو نه‌هێشتنی رۆتین و گه‌نده‌ڵی و بایه‌خدان به‌ به‌ها كۆمه‌ڵایه‌تیه‌كان و له‌به‌رچاو گرتنی بنه‌ماو به‌ها ئایینیه‌كان و رێزگرتن له‌ پیرۆزیه‌كان.

دووپاتی ئه‌وه‌ش ده‌كه‌ینه‌وه‌، كه‌ به‌ هه‌موو تواناو هه‌وڵێك له‌ خزمه‌تی زانایانی به‌ڕێزی ئایینی‌و داكۆكی له‌ مافه‌كانیان‌و به‌رپرسیارێتی قۆناغه‌كه‌ داده‌بین‌و، وه‌ك پارێزه‌ر له‌ خزمه‌ت ئیسلام و زانایان و كاری پیشه‌یی خۆمان ده‌بین.

نرخاندن‌و پێزانی زۆرمان بۆ خزمه‌ته‌ به‌رده‌وامه‌كانی زانایانی ئایینی له‌سه‌رتاسه‌ری كوردستان، به‌تایبه‌ت ئه‌وانه‌ی رۆژێك له‌ رۆژان به‌و رێكخراوه‌ ماندوو بوون‌و خزمه‌تیان پێشكه‌ش كردووه‌‌و، رۆڵی گرنگیان هه‌بووه‌ له‌ به‌ره‌و پێشبردنی یه‌كێتی زانایان‌و گه‌یاندنی ئیسلام‌و هۆشیاری كۆمه‌ڵایه‌تی‌و بڵاوكردنه‌وه‌ی میانڕه‌وی‌و پاڵپشتی هه‌ڵوێست‌و هه‌نگاوه‌ نه‌ته‌وه‌یی و نیشتمانیه‌كان.

دووباره‌ ئه‌م یاده‌ له‌ هه‌موو لایه‌ك پیرۆز ده‌كه‌ین و، به‌ هیوای ئایینده‌یه‌كی گه‌ش‌و پڕ له‌ ئاشتی و برایه‌تی بۆ كوردو كوردستان.

 

یه‌كێتی زانایانی ئایینی ئیسلامی كوردستان

20ی9ی2020