ئەمرۆ 29ی12ی2019 مامۆستا مەلا حسین خرابەدراوی کۆچی دوایی کرد، بەو بۆنەوە یەکێتی زانایان پرسەنامەیەک ئاراستەی کەس و کارو خانەوادەکەی دەکات، ئەمەی خوارەوە دەقەکەیەتی:

بەناوی خوای گەورە و میهرەبان

خانەوادەی بەرێزی مامۆستا مەلا حسین خرابەدراوی

بە رازیبوون بە قەدەری خوای گەورە هەواڵی کۆچی دوایی (مامۆستا مەلا حسین خرابەدراوی)مان پێگەیشت، کە بەدرێژایی تەمەنی خزمەتی کردووەو وێرای ئەوەی کەسایەتیەکی ئایینی و کۆمەڵایەتی بوو، لەهەمان کات کەسێکی سادەو خواناس بووە.

بەو بۆنەوە پرسەو سەرەخۆشی خۆمان ئاراستەی خانەوادەی بەرێزەکەیی و کەس و کارو دۆست و خۆشەویستانی مامۆستای رەحمەتی دەکەین و، لەخوای گەروە داواکارین رۆحی مامۆستا بە فیردەوسی ئەعلا شاد بکات و سەبرو ئارامی بە  خزمو کەس وکاری ببەخشێت.

انا لله وانا الیه راجعون

یەکێتی زانایانی ئایینی ئیسلامی کوردستان

29ی12ی2019