مامۆستا مەلا ئەحمەدی سیوەیلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات

ئێوارەی ئەمرۆ 20ی9ی2021 مامۆستا ئەحمەدی سیوەیلی زاناو کەسایەتی ئایینی و کۆمەڵایەتی شاری سلێمانی و شارباژێڕو باوکی مامۆستا مەلا حمید سیوەیلی كۆچی دوایی كردو یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:


به‌ناوی خوای گه‌وره‌و میهره‌بان


(كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ)


بنەماڵەی به‌رێز مامۆستا ئەحمەدی سیوەیلی


بەداخەوە هه‌واڵی وه‌فاتی زاناو ئەدیب و مامۆستای ئایینی و کەسایەتی کۆمەڵایەتی شاری سلێمانی (مامۆستا ئەحمەدی سیوەیلی)مان پێگه‌یشت کە بەهۆی نەخۆشیەوە کۆچی دوایی کرد.


مامۆستا کەسێکی زاناو شارەزاو هەڵکەوتوو و دڵسۆز بوو، خزمەتێکی زۆری بە ئیسلام و موسڵمانان و بواری زانست و ئەدەب کردووەو کەسێکی سادەو دیندارو کۆمەڵایەتی و جێی ڕێزو تەقدیر بوو.


به‌و بۆنه‌وه‌ پرسه‌و سه‌ره‌خۆشی لە لقی سلێمانی یەکێتی زانایان خانه‌واده‌و که‌س و کاری ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.


 انا لله وانا الیه راجعون


یه‌کێتی زانایانی ئایینی ئیسلامی کوردستان


20ی9ی۲٠۲1