به ئیمڕۆ ده‌ڵێن: هه‌شته‌كه‌ی ئادار
رۆژی خانمگه‌ل له گوند و له شار
وه‌رزه‌كه‌ی به‌هار سه‌ری هه‌ڵداوه
گوڵه نێرگزیش لێره خه‌مڵاوه
تیاماوم، له‌وه‌ی چی كه‌م به‌دیاری
بۆتۆ كه به‌ڵگه‌ی خوای كرداری؟
گوڵت پێ به‌خشم؟ تۆ بۆخۆت گوڵی
له بوونه‌وه‌ردا، گه‌وره و سه‌رچڵی؟
یان سه‌رچه‌مێنم بۆ ئه‌وخودایه
كه‌وا ئافره‌تی هێنایه كایه؟
به هه‌زاره‌های وه‌ك و چنگیانی
سه‌رسام وێستاوه له قه‌در زانی!
ئه‌گه‌ر تۆ نه‌بای، دڵ و رۆح و گیان
نه مانای ده‌بوو، نه ده‌ما ژیان
ئه‌ی نهێنییه‌كه‌ی به‌رده‌وامی بوون:
بێ بوونی ئێوه، سڵاو له نه‌بوون
سێ شه‌ممه8/3/2011 | 