بەیانی ئەمرۆ 15ی1ی2022 زاناو کەسایەتی ئایینی و کۆمەڵایەتی شاری هەولێر مامۆستا مەلا سیدعبدالله قەڵاتگەیی كۆچی دوایی كردو یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:

به‌ناوی خوای گه‌وره‌و میهره‌بان

(وَبَشِّرِ الصَّابِرِينَ، الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ)

بنەماڵەی به‌رێز: مامۆستا مەلا سیدعبدالله قەڵاتگەیی

بەرازی بوون بە قەدەری خوای گەورە هه‌واڵی وه‌فاتی زاناو کەسایەتی دیندارو کۆمەڵایەتی و دڵسۆزی ئیسلام (مامۆستا مەلا سیدعبدالله قەڵاتگەیی)مان پێگه‌یشت کە بەهۆی نەخۆشیەوە کۆچی دوایی کرد.

مامۆستا سید عبدالله قەڵاتگەیی کەسایەتیەکی دیندارو خواناس و سادەو زمان ب زیکرو ئەهلی زانست بوو، هەموو تەمەنی لە خزمەتی دین و دینداری خەرج کرد.

به‌و بۆنه‌وه‌ پرسه‌و سه‌ره‌خۆشی لە خانه‌واده‌و که‌س و کاری ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.

 انا لله وانا الیه راجعون

یه‌کێتی زانایانی ئایینی ئیسلامی کوردستان

15ی1ی۲٠۲2