به‌ختیار مه‌لا ئه‌حمه‌د - سلێمانی / له‌گه‌ره‌كی زه‌رگه‌ته‌ی شاری سلێمانی چه‌ند كه‌سێكی نه‌ناسراو هه‌ڵیان كوتاوه‌ته سه‌رماڵی رۆژنامه‌نوس شیروان محه‌مه‌د ئه‌مین سه‌رنوسه‌ری یه‌كه‌ین سایتی تایبه‌ت به ئایینه جیاوازه‌كان له كوردستاندا و لابتۆپ مۆبایله‌كه‌ی ده‌دزن بێ ئه‌وه‌ی ده‌ستكاری هیچ شتێكی دیكه به‌كه‌ن .
شیروان محه‌مه‌د ئه‌مین به‌رێوه‌به‌ری نوسینی سایتی جودی نیوز كه تایبه‌ته به‌ئایینه‌كان رایگه‌یاند:"له‌كاتێكدا له‌ماڵ نه‌بووم كه‌سانێكی نه‌ناسراو هه‌ڵیانكوتاوه‌ته سه‌ر ماڵه‌كه‌م له‌سه‌رووی ئه‌و هه‌موو شتومه‌ك و ئامێره‌ی له‌ماڵه‌كه‌دایه ته‌نها لابتۆپ و مۆبایلی كۆره‌كه‌كه‌م دزراوه و ده‌ستكاری هیچ شتێكی تر نه‌كراوه ، ته‌نانه‌ت بری یه‌ك ملیۆن و 500 هه‌زار دیناری لێ بووه هیچ ده‌ستكاریه‌كی نه‌كراوه" .
به‌رێوه‌به‌ری نوسینی سایتی جودی نیوز ئه‌وه‌شی روونكرده‌وه :"ئه‌وه‌ی جێی دڵگرنی منه ئه‌وه‌یه كه ئه‌و لابتۆپه جگه‌له‌وه‌ی كه كاری ساییته‌كه‌م له‌سه‌ر ده‌كرد هاوكات ئه‌رشیفی رۆژنامه‌نوسی و وێنه‌ی تایبه‌تی خۆم له‌گه‌ڵ به‌رسانی حكومی و حزبی و كه‌سه ناوداره‌كاندا كه‌له‌ماوه‌ی 7 ساڵی كاری رۆژنامه‌نووسیمدا كۆمكردۆته‌وه تیادابوو ، هاوكات ره‌شنوسی كتێكی گه‌وره‌ی تایبه‌ت به ئێزدیه‌كان به‌ناوی "له سلێمانیه‌وه بۆ لالش" كه به‌هاوكاری خه‌یری شنگالی به‌رێوه‌به‌ری گشتی پێشووی كاروباری ئایینی ئێزدیه‌كان له‌وه‌زاره‌تی ئه‌وقاف و له رێگه‌ی 25 كه‌سایه‌تی مێژووناس و رۆشنبیری ئێزدیه‌كانه‌وه ئاماده‌م كردبوو له ته‌واوبوندابووم له‌و لابتۆپه‌دا بوو له‌هیچ شوێنێكی دیكه‌دا ئه‌و ئه‌رشیفانه‌م هه‌ڵنه‌گرتووه، هه‌موویم فه‌وتا" .
شیروان ئاماژه‌ی به‌وه‌شدا :"به‌هۆی ئه‌وه‌ی نه دژی هیچ كه‌سێك و لایه‌نێك و بووه و نه‌كه‌سیش به دووژمنی خۆی ده‌زانێ بۆیه گوومانی له‌هیچ كه‌س و لایه‌نێك نیه ته‌نها ئه‌وه‌نده نه‌بێت كه له به‌رێوه‌به‌رایه‌تی نه‌هێشتنی تاوان له سلێمانی سكاڵای یاسایی تۆماركردووه" .
سایتی جودی نیوز یه‌كه‌مین سایتی تایبه‌ت به ئایینه‌كانه له‌هه‌رێمی كوردستان و ناوه‌ی سێ ساڵه به‌شێوه‌یه‌كی خۆبه‌خش گرنگی به بابه‌ت و هه‌واڵی تایبه‌ت به ئایینه‌كانی ئیسلام ، مه‌سیحی ، جوله‌كه ، زه‌رده‌شتی ، كاكه‌یی ، ئێزدی ده‌دات .
| 
