یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان سیمینارێکی تایبەت بەناونیشانی پێگەی ژینگەو پێویستی ژینگەپارێزی لە دیدی ئیسلامدا ساز دەکات    *****    *****   مامۆستا مەلا عبدالله سەرگەتی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە قەزای شەقڵاوە بەڕێوە دەچێت    *****    *****   مامۆستا مەلا رێدیر مجید مزوری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: "داواکارین بارسووکی و کارئاسانی لە پرۆسەی هاوسەرگیری و مارەیی بکرێت"    *****    *****   كتێبخانه‌ی زانای ئایينی سەرۆکی لیژنەی فەتوا (مامۆستا عومه‌ری جه‌له‌ولا) پێشكه‌شی زانكۆ کرا    *****    *****   ئەنجومەنی باڵأی فەتوا: حوكمی ئه‌نجام نه‌دانی نوێژی هه‌ینی له‌ كاتی گه‌شت و سه‌یراندا روون دەکاتەوە    *****    *****   ئەمینداری ئەنجومەنی باڵای فەتوا بە نوێنەری یەکێتی زانایان بەشداری دوازدەهەمین کۆنگرەی تەسەوفی جیهانی لە تورکیا دەکات    *****    *****   یەکێتی زانایان سیمینارێک بەناونیشانی (ئازادی بیرو ڕاو پرسی هەڵگەڕانەوە لە دین) ساز دەکات    *****    *****   سەرۆکی یەکێتی زانایان سمینارێک بەناونیشانی (بنەماکانی پێکەوەژیان لە شەریعەتی ئیسلامدا) پێشکەش دەکات    *****    *****   بە بۆنەی بە پارێزگا بوونی شاری هەڵەبجە یەکێتی زانایان پەیامێک بڵاو دەکاتەوە    *****    *****   سەرۆکی یەکێتی زانایان بە یاوەری شاندێک؛ لقی سۆرانی یەکێتی زانایان بەسەر دەکاتەوەو دیدارێک لەگەڵ ستافی لق ساز دەکات   
له‌ به‌رامبه‌ر سوكایه‌تیكردنی به‌ سه‌رجه‌م ئایینه‌كان: یه‌كێتی زانایان سكاڵا له‌سه‌ر هاوڵاتی تۆمار ده‌كات
به‌رواری دابه‌زاندن: 10/11/2010 : 11:47:16
قه‌باره‌ی فۆنت
دوای ئه‌وه‌ی رۆژنامه‌ی هاوڵاتی له‌ زنجیره‌ی ئه‌و بابه‌تانه‌ی له‌سه‌ر ئایینی پیرۆزی ئیسلامی ده‌نووسێت، له‌ ژماره‌ (673) له‌ (20/10/2010) بابه‌تێكی بڵاوكردۆته‌وه‌، كه‌ هه‌موو سنووره‌كانی به‌زاندووه‌‌و، تێیدا سوكایه‌تی به‌ سه‌رجه‌م ئایینه‌ جیاوازه‌كانی كوردستان ده‌كات، كاتێك له‌ بابه‌تێكیدا (ره‌گه‌ز)ی داوه‌ته‌ پاڵ خوای گه‌وره‌، كه‌ ئه‌وه‌یان ئه‌و هێڵه‌ سووره‌یه‌، كه‌ جێێ‌ قسه‌له‌سه‌ركردن‌و گفتوگۆ نییه‌، جگه‌ له‌ سوكایه‌تیپێكردن‌و ئیهانه‌كردنی موسڵمانان‌و مه‌سیحی‌و ئێزدی‌و سابیئه‌‌و جوله‌كه‌‌و... هیچ مانایه‌كی دیكه‌ هه‌ڵناگرێت.

له‌ به‌رامبه‌ر ئه‌وه‌دا یه‌كێتی زانایان وه‌ك هه‌ڵوێستێكی شارستانی له‌ دادگا داوای یاسایی له‌سه‌ر رۆژنامه‌ی هاووڵاتی تۆمار كرد.

له‌و باره‌وه‌ مه‌لا جه‌عفه‌ر گوانی به‌رپرسی راگه‌یاندنی یه‌كێتی زانایان به‌ ماڵپه‌ڕی زانایانی راگه‌یاند: ئه‌و داوایه‌ وه‌كو یه‌كێتی زانایان تۆمار كراوه‌، نه‌ك به‌ناوی سه‌رۆكی زانایان تۆمار كرابێت، له‌وه‌شدا وێڕای ئه‌وه‌ی ئێمه‌ پشتگیری له‌ رۆژنامه‌ی ئه‌هلی‌و ئازاد ده‌كه‌ین، به‌ڵام وه‌ك هه‌موو دونیا پێویسته‌ رۆژنامه‌كان به‌ ئه‌هلی‌و نا ئه‌هلییه‌وه‌ سنوورێك بۆ سوكایه‌تیكردن به‌ هه‌ست‌و سۆزی هاووڵاتیانیان دابنێن، ئه‌گه‌ر مێژوو قابیلی قسه‌و گفتوگۆ له‌سه‌ر كردن بێت، به‌ڵام تۆ بێی قسه‌ له‌سه‌ر زاتی خوای گه‌وره‌ بكه‌یت، به‌ هیچ پاساوێك مایه‌ی قسه‌ له‌سه‌ركردن نییه‌، ئامانجی یه‌كێتی زانایانیش له‌م سكاڵایه‌، په‌یامێكی هێمنانه‌یه‌ بۆ سه‌رجه‌م راگه‌یاندنه‌كان، بۆ ئه‌وه‌ی هه‌میشه‌ حسێب بۆ دابی گشتی‌و هه‌ست‌و سۆزی خه‌ڵكی كوردستان بكه ن، چونكه‌ به‌زاندنی ئه‌و هێڵه‌ سووره‌‌و، قسه‌كردن له‌سه‌ر خوای گه‌وره‌، كه‌ ده‌بێته‌ مایه‌ی سوكایه‌تیكردن به‌ سه‌رجه‌م ئایینه‌ جیاوازه‌كان، رۆژنامه‌كه‌ میسداقیه‌تی خۆی له‌ ده‌ست ده‌دات‌و، ناتوانێت خزمه‌ت به‌ هیچ ئامانجێكی پیرۆزیش بكات. قه‌تیش حه‌زمان نه‌ده‌كرد بگاته‌ ئه‌و ئاسته‌ی داوای یاسایی له‌سه‌ر هیچ رۆژنامه‌یه‌ك تۆمار بكه‌ین، چونكه‌ یه‌كێتی زانایان له‌ دوای كۆنگره‌ی پێنجه‌مه‌وه‌ پشتیوانی خۆی بۆ نووسه‌ران‌و رۆژنامه‌نووسان‌و كاروانی رۆشنبیری ده‌ربڕیوه‌.



شایانی باسه‌ دوای ئه‌وه‌ رۆژنامه‌ی هاووڵاتی له‌ ژماره‌ی (679)ی رۆژی (10/11/2010) هه‌واڵه‌كه‌ی شێواند، گوایه‌ سه‌رۆكی یه‌كێتی زانایان وه‌كو شه‌خس داوای یاسایی تۆمار كردووه‌، هه‌روه‌ها له‌ وه‌رگرتنی لێدوانی به‌رپرسی راگه‌یاندنی یه‌كێتی زانایانیش هۆكاری سه‌ره‌كی داواكه‌ی شارده‌وه‌، كه‌ سوكایه‌تیكردنه‌ به‌ سه‌رجه‌م ئایینه‌ جیاوازه‌كان له‌ رێگای سوكایه‌تیكردنی به‌ خوای گه‌وره‌.