ئەمرۆ 6ی12ی2023 بە ئامادەبوونی بەرێز د. پشتیوان سادق وەزیری ئەوقاف و کاروباری ئایینی و بەرێز د. عبدالله مەلا وەیسی سەرۆکی یەکێتی زانایانی ئایینی ئیسلامی کوردستان و ژمارەیەک لە بەرپرسانی حزبی و حکومی و کەسایەتی و مامۆستایانی ئایینی؛ مزگەوتی (محەممەد ئەحمەد ئیسماعیل) لەگوندی -ماس فیولیج- لە شاری هەولێر کرایەوە.
لەم مەراسیمەدا بەرێز سەرۆکی یەکێتی زانایان وتارێکی پێشکەش کردو تێیدا وێڕای پیرۆزبایی دروستکردنی مزگەوتەکە بە ئەندازەیەکی جوان و دیزاینێکی تازەو دەستخۆشی لە خێرخوازو بنەماڵەی مەلا ئیسماعیل نانەکەلی، تەئکیدی لە گرنگی پێگەی مزگەوت و رۆل و کاریگەری لە ئاراستەکردنی کۆمەڵگەو دروستکردنی نەوەیەکی ئایینپەروەرو نیشتمانپەروەر کردەوە.
هەوەرها ئاماژەی بەوەدا دا کە مزگەوت شوێنی خواپەرستی و تەبایی و یەکڕیزی و سەقامگیری و بڵاوکردنەوەی هۆشیاری ئایینی و پەیامی میانڕەویە، بەتایبەت لە کوردستانی خۆمان مزگەوت وەک ناوەندێکی ئایینی و بەجێگەیاندنی ئەرکە ئایینیەکان ئەرکە مرۆیی و ژیارییەکانیشی تێدا رەنگ داوەتەوە، بۆیە گرنگە لەم سەردەمە بایەخی پتر بە مزگەوت بدەین.
شایەنی باسە دواتر بەو بۆنەوە چەند سوردو پارچە قەسیدەیەک خوێندرایەوە.
یەکێتی زانایان بە هاوبەشی سەنتەری روح ئەلحەیات دیدارێکی زانستی (چارەسەری تەندروستی لە نێوان شەریعەت و زانستی پزیشکیدا) بەرێوە دەبات
