ئەمرۆ 11ی6ی2024 بە ئامادەبوونی بەرێزان د.پشتیوان سادق وەزیری ئەوقاف و کاروباری ئایینی و د.عبدالله مەلا وەیسی سەرۆکی یەکێتی زانایان و ژمارەیەک لە ماۆمستایانی ئایینی و بەرپرسانی ئیداری و نوێنرەی ئایین و پێکهاتەکان، لە دیوانی وەزارەتی ئەوقاف سیمپۆزیۆمی گوتاری ڕووبەڕوو بوونەوەی ڕقەبەری بەرێوە چوو.

لەم دیدارە بەرێز د.پشتیوان صادق وتەیەکی پێشکەش کردو تێیدا باسی لە ھەوڵ و کاری بەردەوامی ئاینەکانی بۆ پاراستنی ئاشتی کۆمەڵایەتی کردو، پلان و پڕۆژەی ستراتیژی وەزارەت بۆ گیانی پێکەوەیی و پەرەپێدانی تەبایی و پتەوترکردنی ئەو کەلتورەی کە لە ھەرێمی کوردستان لەدێرینەوە ھاتوەو جێگەی بایەخ و شانازی بووە خستە ڕوو. دواتر سوپاسی تایبەتی ئاراستەی مامۆستایانی ئاینی و ھەموو ئاینەکان کرد، کە بەگیانی نیشتمانی وتاری میانڕەویەوە کاریگەریان ھەبووە و بەردەوامن.

هەر لە دیدارەکە بەرێز د.عبدالله مەلا وەیسی سەرۆکی یەکێتی زانایان وتەیەکی پێشکەش کردو وێڕای دەستخۆشی لە وەزراەتی ئەوقاف و بەرێوەبەرایەتی پێکەوەژیانی ئایینەکان، روانگەی ئایینی سەبارەت بە وتاری رقەبەری خستەڕوو، ئاماژەی بەوەدا کە هیچ ئاینێک لەگەڵ وتاری رقەبەری نیە بەتایبەت ئایینی ئیسلام بەردەوام کار لە سەر میانڕەوی دەکات و خۆشبەختانە زانایانی ئایینی لەمیانەی وتارو پەیامەکانیان کۆمەڵگە هۆشیار دەکەنەوە لە وتاری رقەبەری کە تاوانێکی دژ بە مرۆڤایەتیە، ئەمەش رەنگدانەوەی ئیجابی بەسەر کۆمەڵگەوە هەبووە، بۆیە ناکرێ وتاری رقەبەری لەسەر ئیسلام حیساب بکرێت، وە ناکرێ رێگە بدرێت ئەم جۆرە وتارە جێی خۆی بکاتەوە، چونکە زیانی گەورە لە کۆمەڵگەو پێکەوەژیانی ئایینی و نەتەوەیی دەدات

دواتر پانێڵێکی تایبەت لەنێوان بەڕێزان دکتۆرە مونا یاقۆ سەرۆکی دەستەی سەربەخۆی مافی مرۆڤ و دکتۆر بەشیر حەداد سەرۆکی بۆردی باڵای وتاری هەینی بەڕێوەچوو، وة ئامادەبووان بە پرسیارو سەرنج دیدارەکەیان فراوانتر کرد.