یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شێخ عابد کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت   
به‌ بۆنه‌ی 53 ساڵه‌ی دامه‌زراندنیه‌وه‌ یه‌كێتی زانایانی ئایینی ئیسلامی كوردستان به‌یاننامه‌یەک بڵاو دەکاتەوە
به‌رواری دابه‌زاندن: 20/09/2023 : 11:54:19
قه‌باره‌ی فۆنت

بە بۆنەی هاتنەوەی ساڵیادی 53 ساڵەی دامەزراندنیەوە، یەکێتی زانایانی ئایینی ئیسلامی کوردستان بەیاننامەیەکی گرنگ و تایبەت بڵاو دەکاتەوەو تەئکید لە بەردەوامی کارکردن لەسەر ئەو ئامانجانە دەکاتەوە کە لە پێناوی دامەزراوە، ئەمەی خوارەوە دەقی بەیاننامەکەیە:


به‌ناوی خوای به‌خشنده‌ی میهره‌بان


((وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا وَاذْكُرُوا نِعْمَةَ اللَّهِ عَلَيْكُمْ)) آل عمران:103.


به‌بۆنه‌ی تێپەڕبوونی 53 ساڵ بەسەر دامەزراندنی یەکێتی زانایانی ئایینی ئیسلامی کوردستان؛ پیرۆزباییه‌كی گه‌رم لەخۆمان و سەرجەم زانایانی بەرێزی ئایینی لە کوردستان و گەلی کورد بەگشتی ده‌كه‌ین.


یه‌كێتی زانایان وه‌ك رێكخراوێكی پیشه‌یی له‌ 21/9/1970 له‌ پێناو خزمه‌تی ئیسلام و دۆزی ره‌وای گه‌لەکەمان و خزمه‌تی زانایانی ئایینی و کۆمەڵێک ئامانجی گرنگ له‌ شارۆچكه‌ی گه‌ڵاڵه‌ی باڵه‌كایه‌تی، له‌ژێر ئاڵای كوردستان و له‌سه‌ر راسپارده‌و سه‌رپه‌رشتی راسته‌وخۆی سه‌ركرده‌ی نه‌ته‌وه‌یی مه‌لا مسته‌فای بارزانی دامه‌زراوە.


هه‌ر به‌م بۆنه‌وه‌ به‌ڵێن به‌ مامۆستایانی ئایینیو هاووڵاتیانی خۆشه‌ویستمان ده‌ده‌ین، بەر‌ده‌وام ده‌بین له‌سه‌ر هه‌مان ئه‌و ئامانجانەی له‌ سه‌ره‌تاوه‌ یه‌كێتی زانایان له‌سه‌ری دامه‌زرا، كه‌ خۆی ده‌بینێته‌وه‌ له‌ وه‌دیهێنانی مافه‌ ره‌واكانی مامۆستایانی ئایینی‌و پاراستنی بەهاو بنه‌ما ئایینیه‌كانی گه‌له‌كه‌مان‌و، قوڵكردنه‌وه‌ی هه‌ستی دینداری له‌ نێو تاكه‌كانی كۆمه‌ڵگا‌و پشتیوانیكردن له‌ مافه‌ نه‌ته‌وه‌یی‌و نیشتیمانییه‌كانی گه‌له‌كه‌مان‌، کە سوپاس بۆ خواو هەوڵی زانایان؛ تا ئەندازەیەکی زۆر توانیومانە بە ئەرکی خۆمان هەڵبستین و ئامانجەکانمان بێنینە دی، جەختیش دەکەینەوە لەبەرچاوگرتنی گوزەرانی خەڵک و زانایانی ئایینی و دامەزراندنی مامۆستایانی خۆبەخش پێویستەو ئومێدمان وایە هەوڵەکان بە ئەنجام بگەن.


لەم ساڵیادە تەئکید لە پەیامی دینداری و میانڕەوی و پێکەوەژیان و بەردەوامی لەسەر رێبازی گەورە زانایانی ئیسلام و زانایانی کورد لەرووی مەزهەبی و عەقیدەیی دەکەینەوەو جارێکی تریش پاڵپشتی خۆمان بۆ بە فەرمی ناساندنی مەزهەبی ئیمامی شافیعی دووپات دەکەینەوە، دڵنیایی دەدەینە هەموو لایەک داکۆکیکارو پارێزەری هێڵە گشتیەکانی خزمەت بە ئیسلام و رێبازی زانایان و بەها باڵاو کۆمەڵایەتیەکانی گەلەکەمان دەبین.


لەکاتێکدا ئێمە ئەم یادە دەکەینەوە هەرێمەکەمان بە قۆناغێکی هەستیار تێپەڕ دەبێت، کە پێویستە هەمووان بەرپرسانە مامەڵە بکەن و ناکۆکیەکان و بەرژەوەندییە حزبی و کەسیەکان وەلاوە بنێن و، ڕەچاوی برایەتی نێو خۆیی بەرژەوەندی گشتی و یەکهەڵوێستی نیشتمانی بەرووی دەرەوە بکەین.


دووباره‌ ئه‌م یاده‌ له‌ هه‌موو لایه‌ك پیرۆز ده‌كه‌ین و رۆڵی یەکە یەکەی زانایانی قەدرگران لەمەیدانی ئایینی و پیشەیی بەرز دەنرخێنین و سوپاسی ئەرک و ماندووبوونیان دەکەین، هیوای ئایینده‌یه‌كی با‌ش‌و پڕ له‌ ئاشتی و برایه‌تی بۆ كوردو كوردستان دەخوازین، خوای گەورە پشتیوان بێت.


 


یه‌كێتی زانایانی ئایینی ئیسلامی كوردستان


20ی9ی2023