پێش نیوه‌رۆی رۆژی 21/12/2010 له تاران شاندی زانایانی ئاینی كوردستان، هاوشان له‌گه‌ڵ ده‌سته‌ی دامه‌زراوه‌ی فه‌رهه‌نگی ئیمام خومه‌ینی سه‌ردانی گۆرستانی به‌هه‌شتی زه‌هرایان كردو، له ده‌روازی ئه‌و گورستانه‌شه‌وه، كه دوای گه‌ڕانه‌وه‌ی ئیمام خومه‌ینی له پاریس یه‌كه‌م وتاری له‌و شوێنه پێشكه‌ش به جه‌ماوه‌ر كرد سوره‌تی فاتیحه‌یان بۆ رۆحی شه‌هیدان خوێند.
دواتر سه‌ردانی گۆرستانی 72 شه‌هیدیان كرد، كه له دوای روخانی رژێمی شا‌و سه‌ركه‌وتنی شۆرشی ئیران، به هه‌زاران خه‌ڵكی ئه‌و وڵاته كه‌وتنه ژێر ركێفی سته‌می ده‌سته‌ڵاتی ئه‌وسا‌و پتر له 30 هه‌زار كه‌س له‌و گورستانه نێژراوه.
پاشان شانده‌كه سه‌ردانی شه‌هیدانی هه‌ڵه‌بجه‌یان كردو، سوره‌تی فاتیحایان بۆ گیانی ئه‌و رۆڵه كوردانه خوێند، كه له كاتی كیمیابارانی هه‌ڵه‌بجه خه‌ڵكێكی زۆری ئه‌و شاره روویان كرده ئێران‌و هه‌ر له‌وێش به هۆی كاریگه‌ری زۆری كیمیاوه گیانیان له‌ده‌ستداو له‌و گۆرستانه نێژران.
بۆ نیوه‌رۆی هه‌مان رۆژ زانایان سه‌ردانی گۆڕی ئیمام خومه‌ینیان كردو، له‌وێش سه‌رۆكی شاندی زانایان به‌رێز مامۆستا مه‌لا جه‌لال خه‌یلانی وتارێكی گرنگی به هه‌ردوو زمانی كوردی‌و عه‌ره‌بی پێشكه‌ش كرد، كه تێیدا باسی له رۆڵ‌و كاریگه‌ر ئیمام خومه‌ینی كردو، وه‌ك ره‌مزێكی ئاشتیخوازو هۆكاری رزگاری میلله‌تی سته‌م لێكراو وه‌سف كرد، هه‌روه‌ها گوتی ئێمه وه‌كو كورد رێزمان هه‌بووه بۆ ئیمام خومه‌ینی‌و به چاوی رێزیشه‌وه له هه‌ڵویسته‌كانی ده‌روانین.
هه‌روه‌ها گوتی: ئێمه وه‌كو كورد به ده‌ستی رژێم سته‌می زۆرمان لێ كرا، بۆیه لێره‌وه داوا ده‌كه‌ین كۆماری ئیسلامی ئیران، پشتگیریمان بكات له سرینه‌وه‌ی ئاسه‌واری ئه‌و سته‌مانه‌ی له كورد كراوه.
هه‌روه‌ها هیوای خواست كه ئه‌مه هۆكاری په‌یوه‌ندیه‌كی پته‌و بێت، له نێوان زانایانی شیعه‌‌و سووننه له جیهانی ئیسلامیدا.
پاشان له‌گه‌ڵ ئیمامی مزگه‌وتی خومه‌ینی به‌رێز ئایه‌توڵڵا فه‌ره‌جوڵڵا په‌یامانی كۆبونه‌وه‌‌و، له دانیشتنێكدا هه‌ردوولا جه‌ختیان له په‌یوه‌ندی برایانه كرده‌وه‌‌و له‌لایه‌ن خۆشیه‌وه ئیمامی مزگه‌وتی ناوبراو په‌یامێكی پێشكه‌ش به زانایانی كورد كردو گوتی: ئێوه كه هاتوون به‌ڵگه‌ی په‌یوه‌ندیه‌كی باشه له نێوان زانایانی كۆماری ئیسلامی ئێران‌و زانایانی كوردستان، به‌ڵام ئه‌ركه ئێمه جیاوازیه‌كان قبوڵ بكه‌ین‌و به دڵێكی فراوان‌و بابه‌تیانه هاو كێشه‌كان بكه‌ین‌و هه‌میشه به‌دوای چاره‌سه‌ر بگه‌ڕێین.
له كۆتایشدا ناوبراو خۆشحاڵی خۆی ده‌ربڕی‌و هیوای خواست هه‌میشه ئه‌و نزیكی‌و په‌یوه‌ندیه له ئاستێكی باش دابێت.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
