یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا    *****    *****   مامۆستا مەلا عەلی سیامێوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا جەلال مەلا سالح هەڵەبجەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عبدالرحمن قادر ڕوستایی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا فەتاحی شارستێنی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە سەرۆکی بۆردی باڵای وتاری هەینی و شاندێکی یاوەری دەکات   
شاره‌وانی هه‌ولێر هاووڵاتیان ناچار ده‌كات بازاڕه‌كانیان بۆ كریسمس بڕازێننه‌وه‌
به‌رواری دابه‌زاندن: 27/12/2010 : 14:04:48
قه‌باره‌ی فۆنت
دوای ئه‌وه‌ی ده‌نگۆی ئه‌وه‌ له‌ ناو هاووڵاتیان بڵاوبوویه‌وه‌، كه‌ پارێزگاری هه‌ولێر فه‌رمانی به‌سه‌ر خه‌ڵكی هه‌ولێر كردووه‌، كه‌ ده‌بێ‌ به‌ ناچاری پێش دوكانه‌كانیان بڕازێننه‌وه‌، بۆ روونكردنه‌وه‌ی بابه‌ته‌كه‌ سه‌رۆكی یه‌كێتی زانایان په‌یوه‌ندی به‌ به‌ڕێز نه‌وزاد هادی پارێزگاری هه‌ولێر كرد، ئه‌ویش رایگه‌یاند: ئێمه‌ كه‌سمان ناچار نه‌كردووه‌‌و، خه‌ڵك ئازاده‌ دوكانه‌كانی بڕازێنێته‌وه‌ یان نا.

به‌ڵام به‌ پێچه‌وانه‌ی ئه‌وه‌ شاره‌وانی هه‌ولێر به‌ نووسراوی ره‌سمی فه‌رمانی به‌سه‌ر دوكانداره‌كان كردووه‌، كه‌ له‌ (22/12) ته‌نها دوو رۆژ مۆڵه‌تیانه‌ بۆ ئه‌وه‌ی به‌ ئیناره‌ی زینه‌ پێش دوكانه‌كانیان رووناك بكه‌نه‌وه‌‌و بیڕازێننه‌وه‌، هه‌روه‌ها نووسراوه‌كه‌ی شاره‌وانی داوا ده‌كات، كه‌ نابێ هیچ شتێك بێننه‌ ده‌ره‌وه‌‌و، حاویه‌ی پاشماوه‌ دابنێن‌و، پاك‌و خاوێنی رابگرن.

بۆیه‌ یه‌كێتی زانایانی ئایینی ئیسلامی كوردستان نیگه‌رانی خۆی له‌و هه‌ڵوێسته‌ی شاره‌وانی ده‌رده‌بڕیت‌و، رایده‌گه‌یه‌نێت: دیاریكردنی كۆتا مۆڵه‌ت بۆ رازاندنه‌وه‌ی دوكان به‌ ئیناره‌ی زینه‌ به‌ یه‌ك رۆژ پێش یادی كریسمس جێگه‌ی نیگه‌رانییه‌، چونكه‌ ئێمه‌ وێڕای ئه‌وه‌ی پشتیوانی له‌ پێكه‌وه‌ژیانی ئایینی له‌ هه‌رێمی كوردستان ده‌كه‌ینه‌وه‌ ده‌خوازین، له‌لایه‌ن حكومه‌ته‌وه‌ هیچ جیاوازیه‌ك له‌ نێوان هیچ بۆنه‌یه‌كی ئایینی نه‌كرێت، له‌ كاتێكدا له‌ یادی سه‌ره‌ ساڵی كۆچی‌و، جه‌ژنه‌كانی موسڵمانان هیچ له‌ بازاڕ‌و شوێنه‌ گشتیه‌كان نه‌ڕازاندرانه‌وه‌، كه‌چی بۆ ئێستاكه‌ سه‌ره‌ڕای ئه‌وه‌ی گرنگیه‌كی زۆر به‌م یاده‌ ده‌ده‌ن، ئه‌وه‌ هاووڵاتیانیش ناچار ده‌كه‌ن، كه‌ ده‌بێ‌ دوكانه‌كانیان بڕازێننه‌وه‌.

بۆیه‌ به‌ ناوی یه‌كێتی زانایانی ئایینی ئیسلامی كوردستان داوا ده‌كه‌ین، هیچ زۆریه‌ك له‌ هاووڵاتیان نه‌كرێت، چونكه‌ ئه‌وه‌ خۆشه‌ویستی دروست ناكات، بگره‌ بووه‌ته‌ جێی نیگه‌رانی زۆرێك له‌ هاووڵاتیانیش، له‌ بری ئه‌وه‌ پێویسته‌ گرنگی به‌ هه‌موو سه‌ره‌ ساڵه‌كان بدرێت‌و، به‌بێ‌ جیاوازی سه‌ری ساڵی كوردی‌و كۆچی‌و زایینی به‌رز رابگیرێت.