سه‌ر له‌به‌یانی رۆژی سێشه‌ممه 28-12-2010 ریكخراوی یونوپس له چیر چاودیری به‌ریز وه‌زیری ئه‌وقاف كاروباری ئاینی به‌هاوكاری ئه‌وقافی شه‌قلاوه و یه‌كیتی زانایان سیمیناریكی سازدا له هۆلی ئه‌حمه‌د رۆچ به‌یانی به ناو نیشانی ((خویندن بۆ هه‌موانه)) بۆ مامۆستایانی ده‌ڤه‌ری شه‌قلاوه ، سه‌ره‌تای سیمیناره‌كه به‌خویندنی چه‌ند ئایه‌تیك له قورئانی پیرۆز ده‌ستی پیكرد دواتر وته‌ی به‌خیر هاتن خویندرایه‌وه له‌لایه‌ن به‌ریوه‌به‌ری ئه‌وقافی شه‌قلاوه ئینجا نوینه‌ری ریكخراوه‌كه ده‌رگای والا كرد به‌رووی م. ملا عبدالله سه‌رۆكی یه‌كیتی زانایان بۆ قسه كردن له‌سه‌ر ته‌وه‌ره‌كه هه‌لبه‌ت به‌ریزیان له وتاره‌كه‌یدا بایه‌خدانی ئاینی ئیسلامی به زانست و زانیاری و خویندن به‌پێی ده‌قه‌كانی قورئان و سونه‌ت و فه‌رموده‌كانی زانایانی بۆ ئاماده‌بوان روونكرده‌وه و گوتی ئاینی ئیسلام هانی كورو كچی داوه بۆ خویندن به‌یه‌كسانی ، كولتوری بێبه‌ش كردنی ره‌گه‌زی میینه له خوێندن دورو نزیك په‌یوه‌ندی به ئیسلامه‌وه نیه هه‌روه‌ها ئاماچه‌شی دا به رۆلی به‌رچاوی حوجره‌كان له دیرۆكی نه‌ته‌وه‌كه‌مان له پیگه‌یاندنی نه‌وه‌یه‌كی خوینده‌وار گوتیشی ئه‌وسا رۆلی حوجره‌كان هیچیان له زانكۆكانی ئیستا كه‌متر نه‌بووه گه‌ر زیاتر نه‌بیت هه‌روه‌ها له كۆتایی وتاره‌كه‌شدا به‌ریزیان گوتی زه‌روره مامۆستایانی ئاینی په‌ره به توانستی زانستی خۆیان بده‌ن به پرس و بابه‌ته سه‌رده‌می و هاوچه‌رخیه‌كان .
پاشان به‌ریز مامۆستا ملا عومه‌ر سویری هاته ئاخاوتن وباسی له گرنگی یه‌كریزی و یه‌ك هه‌لویستی زانایان كرد .
ئینجا ریزدار كاك عوسمان موفتی راویژكاری وه‌زیری ئه‌وقاف له وته‌یه‌كی دا ئاماژه‌ی به‌و راستیه‌دا كه‌وا زانایان هه‌رده‌م به‌شداریه‌كی كاریگه‌ریان هه‌بووه له پرسه چاره‌نوس سازه‌كانی نه‌ته‌وه‌كه‌مان و پاراستنی كه‌شی ئارامی و برایه‌تی له كوردستان داواشی كرد له داهاتودا به‌رده‌وامیان هه‌بی له كاتی رووبه‌روو بونه‌وه له‌گه‌ل هه‌ر جۆره بێحورمه‌تی وسوكایه‌تیه‌ك به پیرۆزییه ئاینیه‌كان هاوكات له‌گه‌ل حه‌ماس و دل گه‌رمیان وعه‌قلانیه‌ت ودانایی فه‌رامۆش نه‌كریت .دواتر به وه‌لامدانه‌وه‌ی پرسیاری ئاماده‌بوان كۆتایی به سیمیناره‌كه هینرا . شایه‌نی باسه ژماره‌یه‌كی به‌رچاوی پیش نویژو وتار خوینانی سنوره‌كه به‌شداریان له سیمیناره‌كه كرد.
راگه‌یاندنی لقی شه‌قلاوه | 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
