یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کۆبوونەوەی ئاسایی مەکتەبی تەنفیزی یەکێتی زانایان بەرێوە دەچێت چەند پرسێکی گرنگ و تایبەت تاوتوێ دەکات    *****    *****   مەکتەبی تەنفیزی یەکێتی زانایان پێشوازی لە شاندێکی باڵای پارتی چاکسازی تورکمان دەکات    *****    *****   مامۆستا مەلا أحمدی تاسلوجە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مزگەوتی موهەندیس هەڵگۆرد لە شاری هەولێر کرایەوە    *****    *****   مامۆستا مەلا ئیبراهیم سەرسوراوی خۆی و خانەوادەکەی بە روودانی ئۆتۆمبێل گیانیان لەدەستدا، یەکێتی زانایان پرسەنامەیەک ئاراستەی کەس و کاری دەکات    *****    *****   مامۆستا شێخ مەلا ياسين شێخ فەرخ کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان؛ کارەکانی خولی چل وپێنجەمین شرۆڤەی نامەی عەممان لە شانشینی ئوردەن بەرێوە دەچێت    *****    *****   یەکێتی زانایان لە گەڵ دەسپێکردنی بانگەشەی هەڵبژاردن پەیامێک ئاراستەی لایەنە سیاسیەکان و هاوڵاتیان دەکات    *****    *****   مامۆستا مەلا عيسا کەونەگوندی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان  پێشوازی لە شاندێکی کریستیانەکانی کوردستان دەکات    *****    *****   یەکێتی زانایان  پێشوازی لە بەرێوەبەری گشتی دیوانی وەزارەتی ئەوقاف و کاروباری دەکات    *****    *****   پەیامی سەرۆك بارزانی بە بۆنەی پەنجا و چوارەمین ساڵیادی دامەزراندنی یەكێتی زانایانی ئایینی ئیسلامیی كوردستان   
 هەواڵ 

زانایانى ئاینى لە توركیا: پرسى كورد لە 4 وڵاتدا بوونى هەیە
به‌رواری دابه‌زاندن: 26/10/2010 : 09:35:14
قه‌باره‌ی فۆنت
دیاربەكر 25 تشرینى یەكەم/ئۆكتۆبەر (ئاكانیوز) – زانایانى ئاینى لە توركیا جەخت دەكەنەوە پرسى كورد لە چوار وڵاتانى وەك توركیا، ئێران، عێراق و سووریادا بوونى هەیە، بەڵام چارەسەركردنى پرسى كورد لە توركیا پێویستى بەپشتیوانیى وڵاتە هاوسێكان هەیە".

diyanetbildiriزانایانى ئاینى لقى دیاربەكرى وەقفى ئاینەكانى توركیا لە دوو رۆژى رابردوو كۆبوونەوەیەكیان لە ژێر ناوونیشانى "تێڕوانینى زانایانى ئاینى لەمەڕ پرسى كورد" ساز كرد و ئەمڕۆ راگەیەنراوى كۆتاى كۆبوونەوەكەیان بڵاو كردەوە.

لاى خۆیەوە عومەر ئێڤسەن سەرۆكى لقى دیاربەكرى وەقفى ئاینەكانى توركیا بەئاژانسى كوردستان بۆ دەنگوباس (ئاكانیوز) راگەیاند پرسى كورد تەنیا پرسى توركیا نییە، بگرە پرسى ئێران، عێراق و سووریاشە. چارەسەركردنى پرسى كورد لە توركیا بۆ وادەیەكى دیاریكراوە، واتە دەرمانێكە بۆ چارەسەرى نەخۆشییەكى كاتى، بەڵام چارەسەركردنە گەورەكەى پرسى كورد لە هەر چوار وڵاتدا پێویست بەكارێكى زۆر دەكات.

زیاتر گوتى "بۆ چارەسەركردنى پرسى كورد چەند پێشنیازێكمان خستووەتە گەڕ، كە برێتین لە درێژەپێدانى وادەى ئاگربەست، بۆ ئەوەى هەردوولایەن دەرفەتێكى گونجاویان پێ بدرێ بۆ چارەسەركردنى كێشە كەڵەكەبووەكان. بەپراكتیكى خوێندنەوەى وتارى ئاینی و وتارى رۆژانى هەینى بەزمانى كوردى بێتە پەسندكردن و جەخت لە برایەتى و دۆستایەتى نێوان پێكهاتە نەتەوەییەكان بكرێ. هەروەها بەزووترین كات كار بۆ سەرلەنوێ داڕشتنەوەى دەستوور بكرێ".

"پشتگیرییەكى تەواوى خوێندن بەزمانى زگماك دەكەم، چونكە مافێكى سرووشتییە كورد داواى خوێندن بەزمانى دایك بكات" سەرۆكى لقى دیاربەكرى وەقفى ئاینەكانى توركیا واى گوت.

لە ماشەڵا دەكاك، و: هێمن جەمال