كارلی واتی تەمەن 24 ساڵ، كە نمایشكارێكی جلوبەرگی بەریتانی بەناوبانگە و جلی ژێرەوەی نمایشكردووە، دوای ئەوەی كوڕێكی تونسی بە ناوی محمد ساڵح دەناسێ، بڕیاردەدات ئیسلام بناسێ و پاشان دێتە سەر ئاینی ئیسلام.
كارلی، كە بەبێ ئەوەی هاوسەرگیری كردبێ منداڵێكی هەیە، دەڵێ هاوڕێكانم هەرگیز باوەڕ بەوە ناكەن، كە من لەمەودوا سەرپۆش لەسەر دەكەم لەبەر ئەوەی پێشتر هەمیشە لە دوای هەموویان ئاهەنگەكانم جێدەهێشت، بەڵام راستیەكە ئەوەیە دوای ئەوەی من محمدم ناسی، سەیرێكی ژیانی خۆمم كرد و بڕیارم دا چیتر جەستەم نیشانی خەڵك نەدەم و شێتانە رەفتارنەكەم و لە یانەكانی شەوانە نەکەومەوە.
كارلی دەڵێ من و محمد زۆر جیاوازین، من هەر خەریكی ژیانی شێتانە بووم و ئەویش خێزان لەلای لەهەموو شتێ گرنگترە.
كارلی دەڵێ لە تونس پیاو ناتوانێ بەبێ هاوسەرگیری ژن سكپڕكات و بەجێی بهێڵێ، ئەگەر واشبكەن ئەوا زیندانی دەكرێن. لەوێ هەموو شتێ دەربارەی خێزانە.
ئەمەش ئەو جۆرە بەهایانەن، كە من پێم جوانە دەربارەی كلتووری ئەوان. ئەوان بە رێزەوە مامەڵە لەگەڵ خەڵك دەكەن و رێزی خۆیان و جەستەشیان دەگرن. هەر لەبەر ئەوەشە من هاتومەتە سەر ئەم ئاینە و بەنیازیشم ماوەی شەش مانگ دەربارەی ئاینی ئیسلام و بیروباوەڕی ئیسلامی وانە بخوێنم".
لە (رووداو) وەرگیراوە
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
