رۆژی هه‌ینی (17/9/2010) دوای ئه‌وه‌ی به‌رێز مامۆستا مه‌لا ئیدریس كاریتانی له‌گه‌ڵ چه‌ند هاورێیه‌كی بۆ گه‌شت كردن، چووبوونه (پردێ) شه‌و له كاتی گه‌رانه‌وه‌یاندا له لایه‌ن پۆلیسی پردێ ده‌ستگیر كران.
دوای ئه‌وه‌ی ده‌نگۆی ئه‌وه بڵاو بویه‌وه، كه ده‌ستگیركردنی مامۆستا په‌یوه‌ندی به ده‌زگا ئه‌منیه‌كانی هه‌ولێره‌وه هه‌بووه، ده‌ست به‌جێ مه‌كته‌بی ته‌نفیزی یه‌كێتی زانایان به هه‌ماهه‌نگی لقی هه‌ولێر په‌یوه‌ندی به به‌ڕێوه‌به‌رایه‌تی گشتی‌و پۆلیسی هه‌ولێرو ئاسایشه‌وه كرد، ئه‌وانیش بێ خه‌به‌ری خۆیان له هه‌واڵه‌كه راگه‌یاند‌و له‌و باره‌وه پێیان راگه‌یاندین: كه ده‌ستگیر كردنی مامۆستا هیچ په‌یوه‌ندی به هه‌ولێره‌وه نیه.
ئێواره‌ی رۆژی یه‌ك شه‌ممه 19/9 مامۆستا‌و هاوڕێكانی ئازاد كران، ده‌ركه‌وت هۆكاره‌كه‌شی بریتی بووه، له‌وه‌ی ئه‌و ناوچه‌یه بۆ ماوه‌ی چه‌ند رۆژێك له ژێر ئینزار دایه‌‌و، دوای كاتژمێر 11ی شه‌و ده‌رچوون قه‌ده‌غه بووه، مامۆستا‌و هاوڕێكانیشی كه بۆ گه‌شت چوو بوون، ئاگاداری ئه‌و بڕیاره نه‌بوون‌و، دوای 11ی شه‌و گه‌ڕا بوونه‌وه‌‌و پۆلیس ده‌ستگیری كردبوون.
له‌و باره‌وه مامۆستا ئیدریس كاریتانی به (zanayan.org) راگه‌یاند: پۆلیسی پردێ زۆر داوای لێبوردنیان كردو، دیاره به هه‌ڵه كاره‌كه كرا بوو.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
