یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
به‌یاننامه‌ی یه‌كێتی زانایانی ئایینی ئیسلامی کوردستان به‌ بۆنه‌ی ساڵوەگەڕی له‌دایكبوونی پێغه‌مبه‌ر(درودی خوای له‌سه‌ر بێت)
به‌رواری دابه‌زاندن: 06/10/2022 : 17:36:34
قه‌باره‌ی فۆنت

بە بۆنەی یادی پڕ شکۆی لەدایکبوونی پێغەمبەری سەروەر حەزرەتی محمد (درودی خوای لەسەر بێت) یەکێتی زانایانی ئایینی بەیاننامەیەک بڵاو دەکاتەوە، ئەمەی خوارەوە دەقەکەیەتی:


 بِسْمِ اللَّهِ الرَّحْمَنِ الرَّحِيمِ


(لَقَدْ مَنَّ اللَّهُ عَلَى الْمُؤْمِنِينَ إِذْ بَعَثَ فِيهِمْ رَسُولًا مِنْ أَنْفُسِهِمْ يَتْلُو عَلَيْهِمْ آَيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ) سورة آل عمران:164


بەبۆنەی هاتنه‌وه‌ی مانگی مه‌ولوودو یادی پڕ بەهاو شکۆداری لەدایکبوونی پێغەمبەرمان (درودی خوای لەسەر بێت)، پڕ بەدڵ پیرۆزبایی گه‌رمی خۆمان ئاراسته‌ی سه‌رجه‌م موسڵمانان به‌گشتی‌و كوردستانیان به‌ تایبه‌تی ده‌كه‌ین، هه‌زاران درودو سڵاویش بۆ گیانی پاكی پێغه‌مبه‌ر(درودی خوای له‌سه‌ر بێت) ده‌نێرین، كه‌ بووه‌ مایه‌ی ره‌حمه‌ت بۆ هه‌موو جیهان و وەرچەرخانێکی گەورەی مێژوویی بۆ مرۆڤایەتی.


رۆژی لەدایکبوونی پێغەمبەر (درودی خوای لێ بێت) تایبەتمەندی خۆی هەیە لای گه‌لی كوردی موسڵمان، ئەمەش نیشانەی خۆشەویستی و وەفاداری و پابەندی و پێگەی ئەو زاتە پیشان دەدات لەناو میللەتی کورددا، بۆیەش ساڵانه‌ له‌گه‌ڵ هاتنه‌وه‌ی ئه‌م مانگه‌ خه‌ڵك به‌جۆش‌و خرۆشه‌وه‌، به‌مەراسیم و ئاهه‌نگ‌و خوێندنه‌وه‌ی مه‌ولود‌و سه‌ڵه‌وات و ئەنجامدانی خێرو بەخشینەوەی شیرینی پێشوازی ئەم یادە دەکەن.


بە تێرامان و سوود وەرگرتن لە ژیان و ئه‌زموون‌و مێژووی پڕ حیکمەتی پێغەمبەر (درودی خوای لەسەر بێت)، گرنگە لاپه‌ڕه‌یه‌كی نوێ‌ هه‌ڵبده‌ینه‌وه‌‌و وه‌ك ئه‌ركێكی ئیسلامی و ئینسانی‌ هەوڵی جێبه‌جێ كردنی فه‌رمایشته‌كانی پێغه‌مبه‌ر (درودی خوای له‌سه‌ر بێت) بده‌ین و، ئاكارو ره‌وشته‌ به‌رزه‌كانی له‌ هه‌ڵسوكه‌وتی خۆمان به‌رجه‌سته‌ بكه‌ین، بە تێگەیشتنی دروست و زانستی زیاتر په‌یامه‌كانی ئه‌و زاته‌ بۆ خه‌ڵك شیبكه‌ینه‌وه‌‌و، لێبورده‌یی‌و پەیامی میانڕەوی و به‌خشنده‌یی ئیسلام‌و پێغه‌مبه‌ر (درودی خوای له‌سه‌ر بێت) پیشانی مرۆڤایەتی و جیهان بده‌ین، لەهەمان کات بنەمای چاکسازی و دیالۆک و دادپەروەری و ئاشتی پێکەوەژیان و گیانی برایەتی و تەبایی زیاتر پەرە پێ بدەین.


ئومیده‌وارین هەمووان ئەم یادە بکەنە چەتری دەست لەملانێی یەکتر لەپێناو بەرژەوەندی گشتی و خزمەتی نەتەوەیی، جارێكی تر ئه‌م یاده‌ به‌رز راده‌گرین‌و پیرۆزبایی له‌سه‌رجه‌م موسڵمانان به‌گشتی‌و زانایانی ئایینی به‌تایبه‌تی ده‌كه‌ین‌و، گه‌وره‌ بیكاته‌ مایه‌ی خێر بۆ گشت مرۆڤایەتی و بەتایبەتی کوردو كوردستان.


 


مه‌كته‌بی ته‌نفیزی


یه‌كێتی زانایانی ئایینی ئیسلامی كوردستان


7ی10ی2022