یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شێخ عابد کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت   
سەرۆکی یەکێتی زانایان بە توێژینەوەیەکی زانستی بەشداری کۆڕبەندی پەیمانگەی تەکنیکی مێرگەسۆر دەکات
به‌رواری دابه‌زاندن: 06/03/2024 : 15:13:21
قه‌باره‌ی فۆنت

ئەمرۆ 6ی3ی2024 بەرێز د.عبدالله مەلا وەیسی سەرۆکی یەکێتی زانایان بەشداری لە کۆڕبەندی پەیمانگەی تەکنیکی مێرگەسۆر بە ناونیشانی "کۆڕبەندی بارزان لە بەرخودان و خۆنەچەماندن بۆ نیشتمانسازی، پەروەردەو فێرکردن پێکەوەژیان و ژینگەپارێزی" لە قەزای مێرگەسۆر کرد.


کۆڕبەندەکە بە ئامادەبوونی بەرێز هەڵگۆرد شێخ نەجیب سەرپەرشتیاری ئیدارەی سەربەخۆی سۆران و بەرێز پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێرو بەرێز غەفور احمد ملاسوار قائیمقامی قەزای مێرگەسۆرو بەرێز د.تاليب محمد شەریف راگری پەیمانگەی تەکنیکی مێرگەسۆرو ژمارەیەکی زۆر لە بەرپرسانی حزبی و حکومی و مامۆستایانی زانکۆو رۆشنبیران و کەسایەتی ناوچەکە بەرێوە چوو.


لەم کۆڕبەندە پانێڵێک بەناونیشانی سەرەوە پێشکەش کرا، کە تێیدا هەر یەک لە بەرێزان د. عبدالله مەلا وەیسی سەرۆکی یەکێتی زانایان و پ.د.فەرسەت مەرعی دیرۆکناس و مامۆستای زانکۆو مامۆستا رێکار مزوری نووسەرو چالاکوان وەک پانێڵیست و پ.ی.د.ئەبوبەکر دیوانە بارەکی وەک بەرێوەبەری پانێل بەشدار بوون.


لەم کۆڕبەندە بەرێز د.عبدالله مەلا وەیسی سەرۆکی یەکێتی زانایان توێژینەوەی خۆی بەناونیشانی (پێکەوەژیانی ئایینی و ژینگەپارێزی لە دەڤەری بارزان) پێشکەش کردو سەرەتای قسەکانی سوپاسی رێکخەرانی کۆڕبەندەکەی کردو دواتر تیشکی خستە سەر گرنگی پێکەوەژیانی ئایینی و کاردانەوەی لە سەقامگیری کۆمەڵایەتی و وەک ئەرکێکی ئایینی و ئینسانی و نیشتمانی وەسفی کرد، دواتر ئاماژەی بە هەرسێ پایەی خواپەرستی و نیشتماندۆستی و مرۆڤدۆستی، کە لە فەرهەنگی شێخانی بارزان بە جددی لەبەر چاوو گیراوەو رەنگدانەوەی ئەرێنی گەورەی لە مێژووی دەڤەرەکەو پێکهاتەکانی هەبووە.


هەروەها چەند نمونەو بەڵگەو دیکۆمێنتێکی مێژوویی لەسەر کەسایەتیەکانی نێو بنەماڵەی شێخانی بارزان هێنایەوە، کە چەندە بایەخیان بە پێکەوەژیان لە سنوورەکەو رێزگرتن لە پەیڕەوکارانی ئایینەکانی تر ناوە، ئەمەش بۆتە نمونەی زیندوو لەسەر ئاستی وڵاتانی جیهان کە بارزان مەڵبەندێکی گرنگی پێکەوەژیانیی ئایینی و خاوەن هەستی ژینگەپارێزی بووە.


شایەنی باسە دواتر بە پرسیارو سەرنج و ئاڵوگۆڕی زانیاری کۆڕبەندەکە دەوڵەمەند کراو رێزلێنان و خەڵاتی تایبەت بەخشرایە چەندین کەسایەتی خاوەن ئەزموون و ئەکادیمی دەڤەرەکە.