ساڵی رابوردوو عه‌مه‌لیاتی زراوم كرد و چه‌ند مانگێك له‌سه‌رجێدا كه‌وتم.. ته‌مه‌نم گه‌یشت به شه‌ست وسێ ساڵ له‌و ده‌زگای كتێب بڵاوكردنه‌وه‌یه كه ماوه‌ی سیی سال بوو كارم تیا ده‌كرد، كاره گرنگه‌كه‌م له‌ده‌ستدا و خانه نشین كرام.. باوكم مرد.. كوڕه‌كه‌م له رووداوێكی ترومبێلا چه‌ند مانگێك له خوێندنه‌كه‌ی دواكه‌وت و به‌و بۆنه‌وه نه‌یتوانی ئیمتیحانی سه‌ری ساڵی بدات و له‌به‌كالۆریۆسی كۆلیجی پزیشكیدا كه‌وت.. له‌كۆتایی لاپه‌ڕه‌كه‌یشه‌وه نووسیووی: ئای چ ساڵێكی شووم و كڵۆڵ بوو!!
خێزانه‌كه‌شی رۆیشته سه‌ره‌وه بۆ نووسینگه‌كه‌ی و له‌پشتیه‌وه وه‌ستا وده‌ستی خسته سه‌رشانی مێرده‌كه‌ی و سه‌رنجی نووسینه‌كه‌ی دا و خوێندییه‌وه، هیچ قسه‌ی نه‌كرد و رۆیشت و ژووره‌كه‌ی به‌جێ هێشت، و پاش ماوه‌یه‌ك هاته‌وه، به‌ڵام پارچه كاغه‌زێكی به‌ده‌سته‌وه بوو، زۆر به ئه‌سپایی له ته‌نیشت ئه‌و كاغه‌زه‌ی مێرده‌كه‌ی نووسیبووی داینا و مێرده‌كه‌شی هه‌ڵی گرت و خوێندییه‌وه كه‌نووسیبووی:
له‌ساڵی رابوردوودا له‌وئازاری زراوه رزگارت بوو كه ساڵانێكی دوورو درێژ و ماوه‌یه‌كی زۆر بوو به‌ده‌ستییه‌وه ده‌ت ناڵاند!! وته‌مه‌نت گه‌یشته شه‌ست وسێ ساڵ و تۆیش له‌وپه‌ڕی له‌شساغی و ته‌ندروستیدایت!! له‌وه‌زیفه‌دا نه‌ماویت به‌ڵام ده‌ست به‌تاڵ بوویت بۆ نووسین و كتێب دانان و كومپانیایه‌كی گه‌وره‌ی بڵاوكردنه‌وه‌ی كتێب گرێبه‌ستێكی گرنگی له‌گه‌ڵا به‌ستوویت بۆ بڵاو كردنه‌وه‌ی چه‌ند كتێبێكی گرنگ..!! باوكت هه‌شتاو پێنچ ساڵ ژیاوه‌و بێ ئه‌وه‌ی سه‌ریه‌شه‌یه‌ك بۆ كه‌س به‌دی بێنێت و به‌بێوه‌ی كۆچی دوایی كردووه بێ ئه‌وه‌ی ئازارێكی به‌كه‌س گه‌یاندبێ..!! كوڕه‌كه‌یشت به‌بێوه‌ی له‌و ترومبێل پێكدانانه رزگاری بووه و بێ ئه‌وه‌ی كه‌می و ناته‌واوییه‌كی تووش بووبێت چاك بوه‌ته‌وه!!
خێزانه‌كه‌ی به‌م جۆره كۆتایی به‌نووسینه‌كه‌ی هێنابوو: ئای ئه‌م ساڵه‌ی كه‌ڕۆیشت چ ساڵێكی باش و به‌خته‌وه‌ری بوو؟ چه‌ند به‌ختی باشمان به‌سه‌ر به‌ختی كڵۆڵماندا زاڵ بووه!!
ئیتر بۆچ كاتی خۆت به‌زایه ده‌ده‌یت وخۆت له‌شتانێك تووڕه ده‌كه‌يت كه ئێمه توانای گوڕینیانمان نه‌بێت..؟! |
