یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   دكتۆر لوقمان جامیعی ئەندامی ئەنجومەنی باڵای فەتوا: شایەدی ئەوە دەدەم فتواكانی ئەنجوومەنی فتوای یەكانگیرن لەگەڵ قورئان و سوننەت و دەقە شەرعییەكان    *****    *****   لقی شەقلاوەی یەکێتی زانایانی ئاینی ئیسلامی کوردستان خولێکی زمان دەکاتەوە    *****    *****   لقی سۆرانی یەکێتی زانایان سمیناری هەفتانەی خۆی ساز دەکات    *****    *****   بەرپرسی لقی هەولێری یەکێتی زانایان بەشداری کردنەوەی دوو مزگەوت لە قەزای خەبات دەکات    *****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا    *****    *****   مامۆستا مەلا عەلی سیامێوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات   
سەرۆكی ئەنجوومەنی باڵای فتوا: زیادبوونی كورسییەكانی كورد دڵخۆشكەرە
به‌رواری دابه‌زاندن: 13/10/2021 : 20:52:43
قه‌باره‌ی فۆنت

ئەنجوومەنی باڵای فتوای هەرێمی كوردستان رای دەگەیەنێت، بەهێزبوونی كورد لەو هەڵبژاردنەدا سەنگ و پێگەی كورد لە بەغدا بەهێزتر دەكات، كاریگەریی گرنگی دەبێ لەسەر پێگە و ئایندەی كورد و كوردستان و دەبێتە فشارێكیش لەسەر نەیارانی كورد.


ئەمڕۆ چوارشەم 13ی تشرینی یەكەم، پرۆفیسۆر دكتۆر حەسەن موفتی سەرۆكی ئەنجوومەنی باڵای فتوای هەرێمی كوردستان، بە "وشە"ی راگەیاند، بێگومان زیادبوونی كورسییەكانی كورد و كوردستانیان بە گشتی دڵخۆشكەرە، لە دانوستانەكاندا سەنگ و پێگەی كورد لە بەغدا پتەوتر و كاریگەرتر دەكات، داهاتووی دۆخی كورد روونتر دەبێت و فشارێكی باشیش دەبێت لەسەر نەیارانی كورد بە مەبەستی بە دەستهێنانی گشت مافەكان، لەوانەیش جێبەجێكردنی مادە دەستوورییە پشتگوێخراوەكانی عێراق، بەتایبەت مادەی 140ی تایبەت بە ناوچە دابڕێنراوەكانی باشووری كوردستان. 
زیاتر گوتی، ئەگەر ئەندامەكانی كورد تەبا و یەكڕیز و كارا بن، لێرەوە داواكارین كار بۆ كێشەی كورد و كوردستان بكەن، كراسی حزبایەتی تەسك لە خۆیان بكەنەوە و یەكدەست و یەكهەڵوێست بن لە پێناو گەیشتن بە گشت مافە دەستوورییەكان.


سەرۆكی ئەنجوومەنی باڵای فتوای هەرێمی كوردستان ئاماژەی دا، "داواكارین بۆ هەڵبژاردنی داهاتوو، كورد و كوردستانیان لە ناوچە كوردستانییەكانی دەرەوەی ئیدارەی هەرێم، بە یەك لیست داببەزن و باجی دەیان هەزار دەنگی فەوتاو نەدەین، هەروەها داواكارین لە پارتەكانی دەسەڵات، زیاتر خزمەتگوزاری میلەت بن، تا میلەتیش بە دڵخۆشی و خرۆشەوە زیاتر بچن بەرەو دەنگدان و بایكۆت نەكەن تا رێژەی بەشداربووان كەم نەبێت، چونكە ئەوەیش كاریگەریی نەرێنی هەیە لە ناوەوە و دەرەوەی كوردستان."


رۆژی 10ی تشرینی یەكەم/ئۆكتۆبەر، هەڵبژاردنی پەرلەمانی عێراق بەڕێوە چوو، لە هەرێمی كوردستان هاوكێشەی سیاسی و جەماوەری گۆڕا، پارتی دیموكراتی كوردستان بە 34 كورسی، توانی یەكەمییەكەی خۆی بەهێزتر بكات. لە عێراقیشدا رەوتی سەدر ژمارەی پێوانەیی شیعەی شكاند و سەرووی 70 كورسیی مسۆگەر كرد.


هەڵبژاردنەكە لە ڕووی تەكنیكییەوە دەسكەوتێكی گەورە بوو بۆ كۆمسیۆنی باڵای هەڵبژاردنی عێراق و بە پاكترین هەڵبژاردنیش دادەنرێ، بەهۆی ئەوەی نەتەوە یەكگرتووەكان و نێردەی چاودێری ئەوروپا، تێبینیی رژدیان لەسەری نەبوو.


سلێمانی/ هوشیار عەلی


 


ئەم دیمانەیە لە ماڵپەڕی وشە بڵاو بۆتەوە:


http://www.wishe.net/details.aspx?=hewal&jmare=124177&Jor=14